b.glen

C精華液

感謝入選@cosme & b.glen 試用產品活動 🌈
未入選前，其實我早有接觸過哩個品牌既眼部護理產品，感覺良好，所以見到有此品牌試用已經非常感興趣毫不猶豫登記 !

活動中試用產品為 b.glen 既
「礦泥潔面乳」同埋「C精華液」，
我係兩款產品都有早晚一齊用的，
但今篇主要講「C精華液」！「 評價」 ( 5星滿分）

質地 : ★ ★ ★ ☆ ☆
氣味：★ ★ ★ ☆ ☆
清爽度：★ ☆ ☆ ☆ ☆
保濕滋潤 : ★ ★ ★ ★ ☆
美白 : ★ ★ ★ ★ ☆
價格 : ★ ★ ★ ☆ ☆

先講講佢既質地係透明，油狀流質物，我試用期間，系配合埋「礦泥潔面乳」洗面後用。本人原先是極乾燥肌，以前從不長痘痘，但近年身體上荷爾蒙失調影響油脂分泌過剩問題，肌膚 轉變成油性，粉刺同出油量恐怖 到自己都怕，皮膚非常暗黃！但試用其間使用「礦泥潔面乳」清潔後有所改善，痘痘粉刺已經相對減少好轉，但留下仲有明顯既痘印，當然皮膚仲係偏向油性。

起初我吱左一粒紅豆甘既份量搽上面感覺好油，笠笠令甘，生怕會加劇問題 🤨 雖然慢慢幾分鐘後有輕微吸收左冇甘油 ，但感覺還是有點抗拒 !
於是 , 第二日開始我就調節用量， 減少到半粒豆既分量就變得剛剛好 , 吸收後感覺是滋潤的 ，而且搽既時候會feel 到有輕微暖熱，感覺係幫助吸收 。氣味方面冇咩特別，減少用量後我就接受到同開始習慣佢既質感，始終要持續使用先可以測試效果，所以堅持！
持續堅持早晚有左大概10多日，的確！皮膚有明顯既 改善，感覺毛孔有細左，但最明顯我個人覺得係膚色有提亮美白到，痘印有減淡 ! 至於皺紋緊致就對我未有太明顯效果，因為 本身我沒太大這方面問題。
總括而言，哩個產品既美白收毛孔效果係確實不錯，但唯一欠佳就係質地偏油性 ，如果可以清爽地就完美了 ! 唯有係用量方面自行調節 ，但相對一支15ml 望落雖然細支，但應該都好come 用，起碼用到一個半月👍 而$369 既價格我個人認為就有點高了，假如降至2百多就合理多了 ~

如果不著重質感但求美白淡印效果的話 , 我仍舊好推薦你試用的 ! 先用「礦泥潔面乳」洗面清潔，針對減少痘痘油脂粒後，再用「C精華液」去針對減淡痘印美白肌膚，哩個組合配合得算幾好！
哩個品牌既產品我都試過幾隻 ，整體感覺不錯，最重要成份技術效果上都有信心保證 👍 雖然價格吾算平，但我覺得都值得一試 😊