shu uemura 植村秀

unlimited 無限輕透持妝粉底液

🎨色號: 674

❄️膚質 / 膚況
夏天油性；秋冬臉頰偏乾，T字同鼻頭仍然容易出油。

敏感肌: 唔可以亂用護膚品同化妝品 (青春期爛過面，食過A酸)

瑕疵皮: 主要係臉頰有痘印、鼻頭毛孔較粗大、膚色不勻 (主要鼻周圍泛紅同啡色痘印)

❄️對化妝品嘅要求
個人比較重視氧化 > 持妝 > 均勻膚色 > 遮瑕嘅效果，而Shu Uemura呢隻粉底液都做到以上功效。

❄️妝前護膚品 + 化妝品
夏天: 薏仁化妝水、Sofina 控油持妝隔離底霜、粉底
秋冬: 薏仁化妝水 (太乾會噴兩三層 / 用化妝棉濕敷5分鐘)、極潤保濕面霜、粉底

❄️上妝工具
Etude House粉底掃 / 美妝蛋

先擠一小揼粉底液落手背，用手指嘅溫度推開再點落半邊臉。上臉後輕輕推開，推開後臉中近鼻嘅粉底比例係最多。然後用掃掃勻半邊臉，重覆步驟於額頭同另一邊臉。

‼️注意
#粉底可堆疊，瑕疵位可視乎需要而局部再遮
#粉底乾得快，動作要快速
#新手建議半邊臉咁上，唔好急最緊要快

❄️妝感
正如商品說明所講，佢做到持久零負擔、冇面具感、自然透氣同貼服。雖然主打控油，但估唔到佢嘅流動性同延展性都咁高。質地好水潤好易推，我通常會半揼半揼咁擠嚟用 (半揼可以搽到半塊臉)。上臉後亦唔會繃緊同埋會變霧面質感。

因為我夏天係油肌，所以鍾意乾爽唔黏笠、控油度高嘅粉底。冬天變混合偏乾就鍾意出油後有光澤感嘅粉底。呢隻粉底液滿足到我冬天嘅需要，但夏天就要再試控油同持妝方面係點喇。

❄️控油
一搽完已經覺得好乾爽，完全冇黏笠感。冬天出少啲油所以唔洗再加蜜粉，但夏天就應該要再加強控油。我自己返工長期喺冷氣房，返學就進出冷氣房。即使過咗全日都淨係T字位同鼻頭出油，出咗油之後有種奶油肌嘅感覺，個光澤感好靚。如果唔鍾意都可以自己用碎粉吸返啲油光。

‼️注意
#冬天皮膚好乾，有試過冇做好保濕就會睇落好似甩緊皮咁同會卡粉，好唔貼服。乾肌記得做好保濕啊！

❄️遮瑕
日常我多數淨係會上一層好薄嘅粉底液，但其實已經遮到70%痘印、100%血管、80%毛孔同90%黑眼圈 (我黑眼圈問題不嚴重)。基本上用少少已經可以均勻到膚色，不過自己唔介意瑕疵唔係100%遮晒。如果要見男朋友 / 出席會影相嘅聚會就會配合埋其他遮瑕膏 / 局部再用呢隻粉底液遮。

‼️注意
#試用期間冇試過帶住口罩實測全日，所以對於帶口罩甩妝嚴唔嚴重就不予置評 ～

❄️氧化
個人覺得只有超級輕微嘅氧化問題。674號色原本只係比我嘅膚色白少少，啱啱上完粉底嘅顏色同條頸都差不多。通常每日帶妝超過10小時，放工/放學返到屋企，粉底嘅顏色氧化後就完全同我嘅膚色一樣。冇變黃臉婆，冇變灰！

❄️持妝
我通常都只係薄薄地咁上一層粉底液，原本朝早遮到70%嘅痘印去到夜晚我覺得得返50%。我有出油同冇用蜜粉所以會影響持妝效果，不過驚冬天太乾所以就冇用到蜜粉。

❄️總結
商品說明嘅效果都有做到:
妝感: 8.5/10
控油: 9/10
遮瑕: 7/10
氧化: 9/10
持妝: 8/10

‼️睇成份見到有酒精，作為敏感肌嘅我用落完全冇致痘 / 敏感 (留意每個人嘅反應都唔同㗎)。