MINON AminoMoist

長效保濕乳液

皮膚一路都容易敏感，個人偏好日系無添加，成份簡單嘅產品。Minon大名我一路都有聽過，主打氨基酸，成份溫和。所以係日本旅行時，咁啱見到有一set，就決定入手。
因為我皮膚唔係特別乾，所以我會係化妝水，精華之後就用呢款lotion，之後再上防曬同化妝；我一般按一次就可以搽勻全面，佢一泵份量都唔少；
至於味道，佢係完全零香味同無色素添加，真係敏感肌friendly；
質地方面，佢保濕力高，我後續都唔需要cream；
見到好多人都讚佢容易吸收，但係我可能同佢麻麻地夾，我覺得佢質地雖然容易推開，但係都有小小厚，搽上面我個人覺得唔係特別容易吸收；所以我要將佢係手心卒開再「拍」上臉，而唔係「搽」，如果唔係，之後上妝容易「打曬交」。
總括而言，佢保濕力同維持肌膚穩定能力唔錯，但係如果夏天用，我個人就未必回購；呢款lotion係敏感肌/乾肌好朋友，混合偏油or追求清爽嘅朋友可能唔太適合或者試佢清爽版。