SOFINA Jenne

水油平衡美白防曬乳液SPF50+ PA++++

防曬日日都要用，揀防曬我最注重佢嘅成份，最緊要唔會敏感導致泛紅或者生粒粒，其次就係始終未必次次用完防曬都會卸妝，能夠容易清潔乾淨嘅防曬會係我嘅首選

呢啲Sofina防曬，細細支，已經達到SPF50，如果普通日間活動，已經非常足夠。用佢咁耐都冇點曬黑

用完佢出街，夜晚用洗面膏，或者卸妝油都可以洗得乾淨，暫時用咗一個月都冇加劇粉刺情況。Sofina咁多個系列當中，呢隻配方係特別為混合肌膚調配，既有護膚保濕成分，例如加咗尤加利精華，又有皮脂控油成分，唔會用咗上面有立痴痴嘅感覺，反而幾清爽，一搽上去皮膚就好快吸收。配方寫明通過敏感測試、不易導致暗瘡及粉刺，係用呢一個月當中就真係冇出現暗瘡情況，個人來講平時出街兩至三個鐘就會有面油，呢隻防曬雖然唔係勁到話用完唔出油，但係起碼唔會加劇出油嘅情況。持久度算不錯！當化妝底霜都得，之後上妝都幾貼，唔會影響妝感

用上面嘅感覺，佢唔會特別泛白，皮膚顏色唔會點變，啱晒啲好驚搽防曬會搽到成面白雪雪嘅朋友！

唯一一個缺點係，佢有啲似某啲開架品牌防曬，如果用之前冇搖得均勻，好容易淨係倒左一層透明嘅油出來，大家記得用之前要好好搖勻！