FANCL

MCO納米卸粧液 (停）(已停產)

卸妝最怕卸得唔夠乾淨，咁樣長期有化妝品殘留係皮膚到好傷皮膚！但fancl呢支清潔力強，一般彩妝都可以一次過完全卸除，岩曬想快手同方便嘅人！圖中可見，加水乳化之後唇膏印已經係手上唔見左，而對眼線既卸妝能力就冇咁勁，甩左大約八成，不過再係水喉沖水約20秒後，肉眼已經見唔到有眼線既痕跡係表面。不過注重卸得乾淨既我，如果用左持久度好既眼線或者睫毛膏，都係建議先用眼唇卸妝液。

佢既質地係透明，比其他卸妝油濃稠少少，乾手乾面用，記得用量要足夠，以防洗唔乾淨上面之後我會加水乳化大概30秒，確保乳化過程做足，先至再將卸妝油完全沖走，洗完唔會乾唔會緊繃亦都唔會有洗唔乾淨既感覺，係好清爽嘅，乾性或者中性肌膚用都唔錯，唔會致痘，油性肌膚就唔建議用卸妝油卸妝喇。

雖然佢一旦開封就唔放得耐，官方建議120內用完，好少化妝既人未必用得曬成支，不過日日化妝的話其實呢個用量好快用曬，另一方面睇就係佢成份方面唔會落例如paraben等對皮膚身體有害嘅防腐劑先會唔放得太耐，敏感肌都用得，用落都安心啲！