OLAY

新生高效緊緻護膚霜 (Super Cream)

試用時間大概一個半星期。取代平時用開嘅日霜同晚霜，而其他護膚程序嘅產品維持不變。好多時會擔心產品與產品之間出現交接期，例如皮膚突然唔適應，變得比平時多油，甚至可能導致過敏反應。但Olay Regenerist micro-sculpting super cream(下稱super cream）就無出現任何不良反應，可以無縫接軌。亦無需花太長時間，就能展現到super cream嘅效果。

質地軟滑，容易推開。由於此質感，所以搽上面後夠滋潤之餘唔會覺得厚厚一層，反而好快吸收。一年四季都可以用。最多夏天日霜可能要搵light少少嘅代替品。但就可以安心地用黎做全年晚霜！

味道屬於清香系。搽均全面後，味道會慢慢散退。無需要怕訓覺時，super cream嘅味道佈滿整個枕頭。

使用前，毛孔有比較大，近看面上幼紋同膚色都未到最好狀態。畢竟係全素顏，再加上年紀已經唔細。。。使用後，以上問題係有明顯改善。毛孔收細對早上保養後嘅上妝有大大幫助。皮膚變得滋潤平滑。亦有留意到使用前臉上有一點痘痘印。用左super cream後亦有輕微變淡，呢一點係有驚喜。

Overall, Olay Regenerist micro-sculpting super cream係值得一試！CP值甚高！