OLAY

新生高效緊緻護膚霜 (Super Cream)

Olay呢個牌仔由細聽到大，但係就從來未買過佢既product黎用。最近olay super cream既廣告打得火熱，個個都話佢係平價既貴婦cream替代品，講得咁勁就一定要試用下！一開出黎係奶白色既cream，搽上手非常易推開，佢唔係rich既cream，我覺得係偏向似滋潤版既lotion多d。至於聞起上黎有種某牌子hair mask既味道，我自己就唔太鐘意，但好彩味道勁淡，所以都冇乜點影響我用後感。起初我以為用完會好快乾，點知有驚喜喎。推開左之後，好明顯吸收得好快，一d都唔黏立，但又好明顯feel到有 層保護膜係塊面到，亦都可以見到搽左super cream個邊係滋潤d。Supercream有皇牌成份-peptide，能直接刺激膠原蛋白生成，我自己都覺得用完當下係撫平咗細紋同毛孔。不過以我乾性皮膚，佢始終似水 凝露既質地，所以冬天當night cream用我就覺得唔夠，但當day cream用就好足夠，起碼個鼻冇乾到甩皮，同埋冇咁快有繃緊嘅感覺。

整體而言，我當day cream咁用左兩星期，佢完全冇令我皮膚敏感或起粒粒，亦都夠保濕，但始終用得未夠耐，皮膚緊緻效果就未見到，但我相信佢係我夏天會回購既平價面霜。