Moist Diane

清新水感洗髮露

【洗髮部門】 主打有機摩洛哥油保濕，同時加入羽毛角蛋白（Feather Keratin）修護受損，專為又油又乾嘅「外油內乾」髮質而設。 ✨洗完頭頂蓬鬆感持久到放工！ 夏天最怕頭頂扁塌、變咗bar code頭，呢支用完之後，頭皮真係好清爽，髮根企到硬硬淨淨，成個頭充滿空氣感，去到夜晚依然好蓬鬆！ 微涼清爽感 入面加入咗薄荷，洗頭按摩嗰陣會有陣淡淡、唔會過分刺激嘅微涼感 雖然主打控油清爽，但因為有有機摩洛哥油同羽毛角蛋白加持，完全唔會好似一般強力去油洗頭水咁搞到髮尾乾到變草。頭皮洗得乾淨，髮尾摸落去依然係順滑（雖然未稱得上為滋潤） 清新嘅果香同淡淡花香 味道唔會好強烈，係日系果種若隱若現嘅淡淡髮香 🥲極度受損嘅漂染髮質單靠佢未必夠 雖然有羽毛角蛋白幫手輕度修護，但如果你既頭髮漂過好多次、極度乾燥嘅稻草頭，單靠呢支洗頭水係不夠滋潤，洗完一定要配返其他滋潤型護髮素。 推介俾頭皮容易出油、但髮尾偏乾嘅外油內乾髮質、細軟髮質、成日覺得頭頂扁塌需要蓬鬆感、或者鍾意洗完頭有清涼舒爽感既人

講到 Diane「清新水感洗髮露」，呢支嘢喺藥妝店成日特價，個樣又清新，但用落又係咪真係咁「水感」呢？同大家分享下用後感。 質地同起泡： 唧出嚟係透明啫喱狀，流動性幾高，唔算好稠。加水搓兩下就起到泡，但啲泡偏向細密同輕盈，唔係嗰種好綿密嘅感覺。想多泡嘅話要唧多啲，用量都幾快。 洗感： 一洗落去係幾清爽嘅，有陣淡淡嘅生果香，唔會話好假。沖水嗰陣頭髮已經好順滑，唔會話好澀，但亦唔係嗰種好滋潤嘅類型。感覺係偏向乾淨清爽，頭皮有種涼涼地嘅透氣感。 用後效果： 吹乾之後，頭髮係蓬鬆嘅，唔會塌。對油性頭皮嚟講，清爽度幾好，可以keep到半日唔出油。但如果你係乾性髮質或者成日漂染，就會覺得有啲乾，髮尾可能要搽返護髮油。另外，佢聲稱嘅「水感」我覺得係指洗完之後頭髮輕盈唔黏，而唔係真係好保濕嗰種水潤。 香味： 花香加少少果香，幾清新，唔會話好濃。但留香時間唔長，吹完頭已經差唔多散晒，鍾意頭髮有香味嘅人可能會失望。 缺點： · 清潔力偏強，日日用可能會令頭髮有啲乾。 · 泡唔算多，用量大。 · 留香短。 · 如果頭皮好敏感，可能會覺得有少少拮。 總結： Diane呢支清新水感洗髮露，適合油性頭

透明流質狀，洗頭水好稀，搓出嘅泡泡亦都比較少，但又未去到低泡洗頭水嘅狀態。 佢唧出嚟嘅味道真係好香，有淡淡的檸檬清新香味，但唔係洗潔精嘅檸檬味，所以應該叫做香味香水洗頭水。但係持久度又唔算太耐，淨係洗頭嘅時間先會有好強烈嘅味道，吹乾頭就剩返輕微嘅味道，同普通洗頭水差唔多持久度。 有啲薄荷味，洗完個頭會係冰涼清爽，呢隻款應該係Diane 咁多隻洗頭水系列之中最清爽💕

佢嘅味道好香好好聞亦都好清新 咁夏天嚟啦，頭髮容易出油，本來諗住用呢支可以令到頭髮冇咁油 。洗完頭嗰刻確實係好乾爽，但係過咗一晚就開始出油。覺得比起同系列嘅其他洗頭水用完之後更加容易出油，而且多咗啲頭皮。

潔淨力強，容易起泡，使用時有冰涼感覺，非常適合夏天使用。屬於油頭皮嘅我每次用完都覺得非常清爽！ 但用完髮質會比較乾，要用番啲滋潤啲嘅護髮素先得。

清新的柑橘薄荷味，超適合夏天用！ 洗髮水加水揉搓之後泡沫很綿密，一般控油的洗髮水用完頭髮會有點乾澀感，但這款真的還好，就感覺頭皮好乾凈、頭髮變得蓬鬆。

Moist Diane除咗Miracle you之外 其他系列嘅洗髮露同護髮素我都用過 呢幾年都係keep住用呢個brand 其實所有系列用落嘅質地同感覺都係差唔多 我自己髮質偏乾同毛燥 漂染過好多次💇🏻‍♀️ 髮量多+甩得多🤣 🖤黑色 深層修護 ➡️ 咁多款入面最潤 keep住用啲頭髮望落有sm

有淡淡的柚子香 味 清洗時頭 皮有少少冰涼感覺 適合夏天使用

鍾意分裝細既洗頭水去gym room 流完汗洗頭都會清爽感大增 用落舒服

清新水感洗髮水用的時候帶有少少涼感，味道是淡淡的柚子/檸香？ 起到好多泡，清潔力好，不過對我來講可能用完會乾咗少少，適合夏天出汗多用。

個味好香，留香度都ok唔會短，質地唔笠幾岩夏天用，用完頭髮啲毛毛飛得無咁勁同埋無咁乾

好香嘅清新海洋香氣, 比較清爽, 適合春夏天, 秋冬天就唔太夠保濕la

之前聽friend講好用所以買黎試吓 真係幾好用！ 已經用咗幾支 趁萬寧減價嗰陣買都幾平！

它的shampoo 系列的確十分好用,而這一款則帶有充滿夏日氣息的香味,個人十分喜歡,加上洗頭後,秀髮keep住有亮澤,易梳,保濕力ok

超好用！香港咁濕的天氣，加上我個頭比較易出油，都keep到一日唔lup。香味方面好令人relax

呢支洗頭水都幾滋潤，亦都令我啲頭髮冇咁毛燥 可惜我髮質太容易出油，半日就會有油光，不過我唔介意keep住補控油碎粉 髮質太油或者太乾都未必會鍾意，但係中等髮質應該會幾好用，都有啲護髮功效㗎

買它係被樽身吸引而買嚟試，初用時感覺唔錯，香味討好，容易起泡，沖洗乾淨後頭髮都感清爽滋潤，但用至半樽後，頭皮會變得容易出油。

超愛佢嘅香味，適合夏天用，洗完清爽但又唔會太乾，有一點精油成分，所以雖然係清爽型洗頭水，但難得見到頭髮會有柔順同有光澤嘅功效

普通地清爽洗走油脂，但感覺又未去到話很乾淨，不過不失，試一下咁，未必再回購。

包裝吸引所以買來試 果香味好鍾意效果就普普通通