CHANTECAILLE

花妍柔澤

Chantecaille 花妍柔澤唇膏Honeypot ,Pink Lotus & Frangipane💄 如果追求頂級貴婦級數嘅護唇同琉璃水光質感，香緹卡呢支花妍柔澤唇膏真係一用就回唔到頭！ 用後感： 上嘴瞬間融化，呈現出極之透亮精緻嘅水光琉璃效果！上左咀雙唇敷咗層水凝膜咁，視覺上即時撫平所有唇紋，令雙唇顯得非常豐盈飽滿 溫柔蜜糖裸棕 Honeypot（常態色）圖二 非常高級嘅蜜糖暖調裸棕色！擦上嘴完全唔顯病態，反而好似自身唇色加咗一層溫暖嘅蜜糖光澤，溫柔得嚟好有氣質，日常素顏定淡妝用都好百搭。 仙氣嫩粉 Pink Lotus（限量版）圖三 保育系列限量登場嘅神仙色號！係好溫柔、帶有仙氣感嘅水亮嫩粉色，擦上嘴完全唔會螢光，反而帶有一種好清透嘅原生好氣色，用落非常減齡自然。 暖蜜桃裸粉 Frangipane（限量版）圖三 同樣係極之值得收藏嘅限量色！帶有微暖蜜桃調嘅高級裸粉色，調色非常溫柔優雅，上嘴好似自身唇色嘅升級版咁，氣質拉滿之餘又百搭。 裡面含有豐富嘅修護精油成分，滋潤度媲美深層護唇膏。就算嘴唇極度乾裂或者起死皮，直接塗上去都可以即時滋養同撫平，整日落嚟雙唇都維

佢嘅管身係好有份量感嘅金屬設計，磁吸式開關「嗒」一聲好治癒，拎上手極有奢華感。最特別係管身印咗精緻嘅大象圖案，呼應佢哋嘅保育主題，低調得嚟好有藝術氣息。價錢略貴，但其中部分收益扣除去幫非洲大象，所以買唇膏亦都係做善事！ 佢嘅質地好似牛油咁滑，一上嘴就融化，乾到起死皮都完全唔卡紋。因為加咗非洲猴麵包樹油，滋潤度直逼潤唇膏，但神奇在極度保濕之餘完全唔黐嘴、唔會扯乾。妝效係好高級嘅緞面微光，薄搽已經好顯色，厚搽色澤更飽和，但算輕盈。雖然食嘢會沾杯要補，但成分天然，卸妝後條唇都唔會乾繃繃。