ANESSA

極防水美肌 UV 乳液 SPF50+ PA++++(停)(已停產)

Anessa 的防曬產品向來口碑甚佳, 今次特別感謝@cosme, 讓我有機會試用佢地嘅新一代極防水美肌UV乳液

產品採用咗全球首創嘅防曬技術, 含Thermal Booster及Aqua Booster EX, 當遇上熱, 汗或水嘅時候, UV防禦力會更強, 而且耐摩擦, 所以即使喺大熱天時都唔怕會因為出汗而降低防曬力~~~真係好吸引呢! 另外, 一如過往嘅Anessa系列, 佢有極佳嘅防水放果, 即使浸喺水80分鐘亦無損防曬力, 啱晒水上活動時使用. 雖然產品防水力強, 但只需使用一般潔膚產品便能洗淨, 十分方便

產品質地似一般護膚乳液, 可能是含有50%護膚精華的關係, 質地比一般的日系防曬較為濃稠, 但係佢好容易推開, 唔會黏笠, 不泛白, 微香(是討好的氣味), 沒有防曬產品的氣味(這點很加分)

由於我有化妝習慣, 用這支防曬來作妝前底霜, 沒有跟粉底打架; 即使現在天氣悶熱, 而且又要長期帶口罩, 皮膚都唔會覺得焗, 臉上也沒有生粒粒. 我仲發現佢有少少控油效果呢, 對於我嘅混合性偏乾皮膚, 用在T字位真係好good fit, 持妝效果唔錯! 另外, 使用呢隻產品後唔會令皮膚變乾 (相信大家都知道有好多標榜唔笠嘅防曬產品都有扯乾皮膚的問題), 不過我的皮膚始終係偏乾性, 所以唔覺得佢好保濕, 始終佢係一支防曬產品, 我還是會先做好日常嘅護膚步驟先至搽佢

除了面及頸, 我更喜歡用這產品在身體上, 感覺極之舒服, 不黏笠之餘又提供適當嘅滋潤度, 防曬效果更係母庸置疑嘅好

總結: 呢支產品嘅防曬力極佳, 在猛烈嘅太陽下令人感覺安心, 尤其係户外及水上活動嘅首選, 而且使用感都好好, 推薦哦❤️