KERASTASE

雙重防脫修護精華

感謝kerastase 抽中我試用「Genesis 雙重防掉髮護理系列」

我1-2年前都無掉髮既問題，直到疫情，中過一次同第二次之後就開始出現掉髮問題。講真，真係好困擾。作為一個女仔真係最唔想見到有掉髮既問題，所以呢年來試左好多方法。但一直都無選擇專門髮護既鋪頭，因為價錢既問題。所以好開心今次被抽中可以有機會試用到❤️

好開心呢支防脫精華係正裝！90ml🥺。可以好好咁試用完就再買過！首先講下包裝先啦，佢全系列都係粉紅色，好容易就分到係咩。可惜我本人就唔好粉紅色，但我覺得佢值得加分既地方係可以肉眼睇到入面既脫髮精華係點。倒出來係透明，仲有一陣陣既清爽果香味。簡單形容就係令人身心放鬆既氣味，唔係過於濃郁，但又可以keep到差唔多一日，好驚喜。

到最重要就係佢既功效，洗完頭再吹完乾哂，梳埋頭就落。見到佢個滴管有條界線，應該係比你睇要用既份量。好方便，唔洗每次都怕滴多左定滴少左。之前都有用過類似既精華，但次次都要乾到7/8成個時落，如果唔係會頭髮扁塌，痴埋一住住。但呢一隻完全無呢個問題，亦無任何既刺激，落落頭皮到仲會涼涼地，係呢d悶熱既日子用完好舒適。🌼

依照佢個個份量用就可以擦哂成個頭，我覺得好抵。然後唔會有頭痕同埋生粒粒既問題我相信呢支都有幫助到。不過講到防掉髮呢樣說無咩感覺，但我覺得因為試用14日就睇到效果係無咩可能既，但如果照我岩岩上面講既反應來睇長期係會減少掉髮。

經濟能力許可既我推薦用喔！