INNISFREE

紅茶逆時活膚塑顏精華

首先多謝 @cosme同 @Innisfree抽中我成為紅茶系列嘅試用者，產品包括 「紅茶逆時活膚精華水」 同 「紅茶逆時活膚修復精」。我之前有用過Innisfree嘅迷你精華面膜覺得效果好滋潤，所以當知道自己被選中試用佢地嘅紅茶系列時候，我感到非常之興奮！

首先簡單介紹下自己嘅膚質係屬於乾性又易敏感，一年365日長期缺水，再加上工作性質原因而令到作息時間唔穩定又缺乏，令到皮膚長期處於好攰，好殘嘅狀態。

*外觀*
兩件產品都採用茶色玻璃樽設計，拿上手好有貴婦感。唯一需要注意取拿時雙手最好要保持乾爽，小心拿穩喔！另外要讚賞精華水嘅樽口設計，可以避免一下子倒出過多的份量，十分體貼。
*使用方法*
產品為晚間使用，而使用次序應該為： 爽膚水 -> 紅茶逆時活膚精華水 -> 紅茶逆時活膚修復精華 -> 面霜

精華水嘅質感清爽輕盈，容易吸收。我喜歡把精華水配搭化妝棉以輕拭方法使用。喺比較乾燥嘅面頰我會另外重點濕敷3分鐘 (不可以過久喔！)

至於精華液質感呈凝露狀，因為成分濃度比較高，我會按大約3下份量，再用手指頭輕輕的按摩臉部直接精華液完全被吸收。


*用後感*
我喜歡兩者都沒有濃烈的味道，使用後面上沒有黐立立的感覺。對於好似我依種皮膚超級乾性的人，使用後第二天早上皮膚仍然維持有水嫩感，但如果撞正經期、爆暗瘡，想要有即時急救修復的功能，它的效果並不特別顯著。但作為長期使用啲保養產品，大家不妨入手試吓。