購買資訊

質感類似Sofina Primavista 調色底霜，ettusais 呢支偏粉色，接近膚色狀態。 Primer控油能力強，用完之後皮膚會乾爽呈現霧面狀態。夏天日常可以淨係用喺T字位，減少出油情況，令妝感全日維持得更好。如果係油性皮膚可以全面用，用完控油度好強，面部感覺乾爽至少許繃緊，所以如果乾性皮膚就唔建議使用。 我買佢最主要嚟講都係增加底妝嘅控油度，至於修飾毛孔方面，有少少效果，建議用返修飾毛孔嘅底霜（豬油糕質地嗰種底霜）。呢支比Sofina嘅平約百元，視乎自己情況而買啦😉

呢支毛穴控油妝前底霜一試就知係我最鐘意既款，蜜桃粉紅色調，用手慢慢印開上臉，很乾爽控油、妝效貼服自然、持久力強（一整天無出油，妝容完整），搽完收毛孔，見到呢支入面加左幾種粉末，所以搽完摸上好滑身，用後無起粉刺粒粒，會再購入

T字位控油出色，輕輕搽喺易出油位置毛孔即刻有被撫平嘅柔焦感。質地清爽好快乾，全日都幫手Hold住個妝，防止大爆油。抗油光必備，用完底妝持久好多！