KATE TOKYO

綴影彩色眼線筆

我手上呢支Kate 綴影彩色眼線筆係 01號色—楓葉啡，一睇個色名就已經好有秋天嘅感覺，實際用落更加驚喜。 🖊️ 筆頭設計超貼心 呢支眼線液個筆頭非常幼細，畫眼線時好容易控制，無論係畫內眼線定係拉長眼尾，都可以輕鬆畫到條好順滑、唔會斷開嘅線條。對於手殘人士嚟講，真係友善度滿分！ 🍂 色調自然低調，秋冬必備 楓葉啡色唔係嗰種好濃嘅深啡，而係偏柔和、帶少少紅調嘅啡色，畫上眼之後顏色偏淺，唔會太搶眼，但又有修飾眼型嘅效果。好適合鍾意自然妝感或者偽素顏風格嘅人，低調得嚟又有神。 💡 如果你都係鍾意自然妝效，又想喺眼神入面加少少秋意，呢支 Kate 綴影彩色眼線筆絕對值得一試！

首先感謝@cosme之前送出嘅會員禮，KATE綴影彩色眼線筆，收到嘅色號係02裸膚色。第一次見咁淺色嘅眼線筆，佢係好似毛筆嗰種眼線筆，畫落好順滑，亦好易出色，質感唔錯。不過本人化日常淡妝較多，呢隻顏色暫時未諗到點carry。可能比較適合華麗帶視覺系嘅日系妝容。

素顏眼線液 質感： 水狀易畫 筆頭有彈力，粗幼自如 妝感： 啞面，顏色飽和度低 使用感受： 最初想找比較淺色的眼線液，畫在手上覺得不錯，出水流暢、快乾、不會化開。 但優點同時是缺點，除非是極淺色眼影否則低飽和的啡色眼線畫了等於無畫，只適合偽素顏妝容。 現在只拿它畫眼頭陰影和眉毛😆

之前買係想試淺啡色讓妝容更柔和，畫上去好順滑流暢，可惜係我身上畫完無乜存在感，比較適合髮色好淺、皮膚好白嘅人用

佢係真係好唔顯色 幫我其實我買就係唔想太出色 但係佢另一個問題 係佢甩得好快 可能因為我隻眼油 好彩因為佢好淺色 所以甩咗都唔太覺得