SK-II

SKINPOWER 致臻能量精華霜

由於今次試用SK-II Skinpower Advanced Cream時，朝著一個信念：當護膚品夠力度，其實可以節省其他護膚品及程序。想知道Skinpower Advanced Cream有否發揮最大功用時，亦唔想被其他產品導致對試用品誤會。所以呢兩星期，早晚只有做基本潔面與toner嘅部分，接住就只有SK-II Skinpower Cream。

質地認真係絲質，非常柔軟，超越我嘅預期。通常標榜比較有威力嘅面霜，都會相對地厚重同難推開，可能要用d力水。因為擁有此質感，所以可以輕易地調節用量，亦都非常好推。因為早晚都有用嘅關係，所以此絲質質感係極大優點。日用可以用比較薄，防曬加上妝後，唔會感到面部將會過一陣子就會噴面油。但夜晚搽多少少都唔會覺得太厚同會油膩嘅感覺。

香味亦都非常清淡。係大眾都一定會接受到嘅氣味。唔會覺得刺鼻。同時，香味並無留太耐。無需要擔心用後會同其他產品撞味。

但其實質感與香味都係我嘅其次，最重要真係效果如何！

對比返使用前嘅相，最睇到嘅係亮澤度，有明顯嘅改善。面上有明顯亮光。幼紋同毛孔都有改善。只係短短兩個禮拜，雖然未完全消失，但已無咁顯眼。膚色同時變得均衡，亦有被提升（雖然黑眼圈仍然係深。。。）

感覺與視覺都覺得皮膚狀態係未配合其他精華液之類嘅護膚程序底下，有明顯嘅升級。SK-II Skinpower Advanced Cream正正證明到，如果只能重重投資落一件護膚品，一定非佢莫屬。如果能夠配合同系列其他產品使用，例如Skinpower精華與眼霜，皮膚狀態必定能再提升，甚至能令好似姨姨嘅我都覺得非常滿意，推介同回購。

*真心真心試用兩星期後，未感受到缺點