INNISFREE

紅茶逆時活膚抗氧精華水

首先多謝 @cosme同 @Innisfree抽中我試用「紅茶逆時活膚系列」，今次收到既產品包括有「紅茶逆時活膚精華水」同埋「紅茶逆時活膚修復精華」。我之前一直都有keep住用Innisfree嘅護膚品，例如濟州熔岩海水護膚同埋綠茶籽精華，鍾意innisfree 既產品做到補濕護膚之餘，價錢又唔貴。

我既皮膚係混合偏乾，冬天既時候如果要化妝一定要做好妝前補濕，我都一直物色緊好用既精華水同精華。

收到產品之後急不及待打開黎睇下，兩支都係以紅茶色既玻璃樽設計，好配合產品既名稱。先講紅茶逆時活膚精華水，佢既質地好水潤，搽上面感覺比較清爽輕盈，唔會好黏笠既感覺，而且幾好推開，好容易就吸收晒。

至於精華液既質地就係一般精華露，上面果下有感覺既，但慢慢推開之後，好快就會被皮膚吸收，同樣唔會覺得有黏笠既感覺，佢既味道好溫向，有淡淡既茶味。

試用左一段時間之後，感覺到皮膚有滋潤保濕既效果，由其是明顯睇到塊面用完係提升左光澤，更加平滑緊緻，整體膚質都有所提升！本身用開部分品牌既產品，係搽完之後雖然係做到保濕滋潤既效果，但係上面後會覺得好黏笠，好唔舒服，用完好似有層野焗住塊面咁，第二朝反而搞到油笠笠咁，但呢段期間用紅茶逆時活膚系列取代後；完全冇用完黏笠既情況，繼續保持到清爽保濕既效果，所以非常推薦比又要保濕滋潤，但又唔想塊面有侷促感覺既人用呢set產品，相信春夏定秋冬都會岩用👍🏻