INNISFREE

速效淨肌修護精華

好多謝@innisfree同埋@cosme畀我有機會試用新推出嘅速效抗痘精華。

產品香氣：呢款精華嘅氣味比較特別，個人嚟講唔抗拒，但如果對護膚品嘅香味有要求嘅話，建議去咗專門店試試先

產品質感：淡黃色嘅乳狀精華(圖一)，容易推開，質地滋潤唔黏膩(圖二)，輕輕打圈按摩後，皮膚好快就吸收晒，變得有光澤(圖三)

產品功效：呢款精華雖然含有A醇，但可能因為添加咗積雪草嘅關係，所以性質溫和唔刺激，敏感肌都可以用。我每日早晚每次兩泵精華，均勻搽滿全臉，再打圈按摩幫助吸收。本身唔係痘痘肌，但呢排天氣真係好熱，再戴住口罩，時不時就生暗瘡粉刺，用咗呢支精華後，出油情況改善咗，暗瘡粉刺都出少咗。產品本身有去角質嘅功效，所以要留意唔好搽係眼周肌膚，我一開始冇為意，用咗大概一星期後，搽完精華之後眼周開始會有輕微刺痛感，可能係眼周皮膚變得太薄。另外，雖然官網冇提及，但A醇本身有撫平細紋嘅功效，所以我都將精華搽埋頸，不過減淡頸紋嘅效果唔明顯。

結論：控油效果唔錯，有效減少暗瘡粉刺，低刺激性，使用時記得要避開眼周肌膚