AHC

瞬效保濕B5微導入活膚霜

本人混油/油肌，幾中意呢隻cream既質地！好易推，質感輕盈、舒服，推開亦非常清爽、水潤，𣊬間就吸收晒！溫和，零刺激，而且皮膚狀態維持得幾好！不過佢附送既膠匙仔如果可以放入cream蓋內就好啦，可以再衛生d！ 用左一段時間，覺得皮膚有細緻平滑左！BUT!!試用途中快閃左一次大阪，個幾日溫差相差10度，1日25-28第日又14-18，1日80幾濕度第日又50幾，非常反覆！！！！！連續幾日早出晚歸、帶妝8-12小時、暴飲暴食既日子下，本人番來就爛面了🥲兩邊臉頰又紅又乾又爆幾粒痘仔……持續使用又回歸番平靜了，感謝B5感謝AHC😂

今次介紹我最近用緊嘅面霜，AHC瞬效保濕B5微導入活膚霜💧 🔸包裝設計： ✔️外包裝設計以深藍色為主調，有質感 ✔️入面設有小蓋，減少面霜受到污染同流出 ✔️附贈小匙羹，唔洗直接用手挖 🔸呢款面霜加入咗高濃度維他命原B5 、玻尿酸精華、以及專業抗皺成分腺苷。高效修護肌膚，為肌膚注滿澎彈水分，維持肌膚彈性🧏🏻‍♀️ 🧡顏色：白色 🧡氣味：有少少香味 🧡質地：偏滋潤，好易推開但比較黏笠 🔸使用方法： 早晚洗完臉部，接着進行護膚程序即化妝水、眼霜、精華液，以及面霜依次使用。 🔸用後感： 混合偏油嘅我當刻用完都覺得幾笠，連夜晚用完發現第二朝起身係明顯殘留黏笠感，感覺秋冬天用會啱啱好。不過堅持用咗兩星期左右，發現皮膚狀態keep住有光澤，仲好似有彈性，真係靚咗好多🤣

今次試用既係AHC B5益菌修護霜~ 同其他韓系面霜一樣，附有小膠匙羹。面霜打開即刻會聞到好明顯嘅香味，好似去咗做Spa咁😆呢排早晚用，感覺好似每日都經lush門口兩次咁 ㅋㅋ 如果隻香味淡返少少會更加好。介意嘅人可能要去萬寧屈臣氏睇吓有冇試用裝試左再買。 質地方面，呢個面霜流動性都幾高，唔會好杰， 好容易推開，少少嘅份量已經足夠搽晒成塊面。上面之後皮膚感覺飲飽水，喺而家轉季嘅天氣保濕度依然好足夠，水潤得來吸收亦都好快，唔會黐立立滿面油光，混油肌用得好舒服😊不過冬天用保濕力有機會唔夠，要再等待觀察~ 用咗一排我覺得呢隻面霜係好溫和、唔刺激嘅，無論係Office坐冷氣房，或者出site工作全日，面部嘅皮膚都好穩定，可以一試。

本人係中性肌偏油，會因應天氣而使用不同既護膚產品，得到呢盒修護霜時，剛好係香港濕熱天氣期間使用，水潤易吸收，用後完全唔油，真係好適合呢種天氣。 所以冬天呢盒修護霜就唔係好岩用架喇，不過香港真正冬天少之又少，所以香港好適合用呢盒。 首先，盒內附贈一支小小的匙羹，使用時方便又衛生👍🏻 其次，功效方面，呢盒清爽型臉霜非常溫和，容易推開，整快吸收又唔黏👍🏻 最後，連續用了14日後，皮膚係有明顯鎖水效果，對於中性偏油的我來說，能保持肌膚穩定👍🏻 總結，我會選擇回購

AHC瞬效保濕B5微導入活膚霜50毫升（更正） -首先，我覺得B5 活膚霜唔係行清爽路線嘅面霜，而係行滋潤同修護路線。用手查臉嘅時候，會覺得好滋潤。一開始有啲擔心會唔會好笠黐黐，出奇地查上臉唔覺得笠，仲覺得好保濕。吸收速度係好快，基本上查上臉1分鐘左右已經完全吸收，好滿意🥰 -用測膚儀顯示一下，係查AHC瞬效保濕B5 活膚霜之前，洗完臉後，臉部水分只有39%，油分有31%，而肌膚彈力係麻麻地。一用咗AHC瞬效保濕B5 活膚霜之後，臉部水分有多咗41%，油分有27%，而肌膚彈力係明顯好咗🤭 -在宜家轉季天氣下使用，我覺得好啱，因為依家已經有秋意。皮膚開始乾燥敏感，而AHC正正主打呢樣野，所以就最適合不過😗 - 我認為活膚霜冇刺激皮膚的感覺，親膚度好高。呢一點好重要，溫和、低敏、唔刺激，對敏感肌來講好重要🫶🏻🫶🏻 -持續用咗一段時間後，我係感覺到肌膚狀況算穩定，而且之前咁啱爆暗瘡係塊面，有個好明顯嘅暗瘡印，連續揸幾日之後冇咗！超神奇。我感覺肌膚係有變得更穩定同健康嘅，唔知關唔關再加上我有敷面膜事（？）持續使用一段時間後，我認為肌膚鎖水效果都明顯，至少第二朝訓醒都冇出面油 😼～ -

第一次用AHC依個品牌，對我嚟講非常有驚喜！！！性價比極高❤️ 作為一個油敏肌代表，係轉天氣既日子全完唔敢亂嚟，用來用去都係個幾個醫學品牌。但見AHC product description 寫後對弱敏肌都友好，所以立即開嚟試試。 -質地： 係雲雲既B5 products嚟講，我覺得佢係偏向輕身，好清爽。你知啦，一般b5都比較厚身好似有膜包住返面咁。呢一隻面霜對油敏嘅皮膚完全冇負擔，用完第二朝都算keep到水份。 - 氣味：有淡淡清香，我自己覺得有啲似檸檬草嘅味道，相對外國品牌，佢算嚟得比較自然。個人都幾鍾意，有種安穩做spa嘅感覺。 - 價錢：非常平民，百幾蚊就有50ml, 性價比超高。 總括嚟講，今次試用非常滿意。用咗差唔多兩個星期，全完無過敏同增加紅印。弱敏肌都可以keep住用！

多謝@cosme，今次試到瞬效保濕B5微導活膚霜，瓶色係三角形圓邊設計很特別，藍色很有質感，入面係比較流動性既白色cream ，有香味，搽上面質地比較薄身，溫和唔敏感，我使用時份量會比平時多，吸收力好好，見到佢有變形微脂體技術，可以跟肌膚調整形狀深入皮膚間隙，感覺到比平時更深入同貼服，秋天時使用剛剛好，水油平衡，使用一段時間後感覺到有彈性同補水，肌膚更平滑、細緻同維持住皮膚穩定，感覺沒有太大問題需要保濕同年輕肌膚比較適用

白色乳霜質地清爽 皮膚很快吸收 一年四季 早晚都適合 （冬天滋潤度稍微不夠 睡前會補擦） 香味宜人 不刺鼻 價格親民 高CP 值

我一向對這品牌很有好感，原因很簡單，因為它的產品平、靚、正♡ 這個B5保濕霜含有高濃度的維他命原B5和高濃度透明質酸，都是幫皮膚保濕的好成份，除了令皮膚瞬間補水外，還可以直達肌底，令皮膚由底層就開始保濕滋潤 正所謂「空瓶才是真愛」💕 我只用了個多兩個月就火速空瓶了這個B5保濕霜，就可見我對它的喜

呢個曾經用過 用咗兩個禮拜就冇用到 覺得香料太重 可能肌膚比較敏感 用完塊面會痕 本身諗住唔搽面 搽頸都會痕 所以唔建議敏感肌 免疫力差嘅人用

面霜嘅質地介乎水狀和膏狀之間，看似膏狀，但上手偏水潤，很易推開亦很快吸收。 而且沒有濃烈嘅氣味，亦都不刺激，是一款溫和嘅面霜。 剛開始使用時天氣還炎熱，我只需要薄薄地塗抹一層就足夠的滋潤又清爽。 最近天氣變涼，天氣乾燥，我就厚厚地塗抹，很滋潤，但亦都很吸收，不會黏立在臉上。 最近天氣突然變得寒冷，風吹到雙腿乾燥痕癢，需要搽潤膚霜時，更為透薄嘅面部皮膚，卻完全沒有覺得乾癢。 很重要的是，作為一款足夠滋潤嘅面霜，它吸收得很好，皮膚很滋潤，卻不黏立很清爽舒服。

用咗呢款面霜後，感覺皮膚變得柔軟光滑，乾燥既情況有明顯改善。面霜既質地輕盈，容易吸收，唔會喺皮膚上留下油膩感。使用後，肌膚感覺彈性十足。呢款面霜保濕效果持久，全日都可以保持皮膚水潤感。即使係乾燥既環境中，皮膚依然感覺舒適。

普通嘅保濕面霜，搽上面唔油膩，容易推開，但係保濕度一般般。

當初聽到個名期望會有啲勁勁地嘅功效，事實就係普通一個保濕，中規中矩無功無過，唔需期望太多，普通搽黎保濕皮膚ok

AHC係韓國出名嘅醫美品牌。我係將瞬效B5微導入活膚霜，配合同系列嘅精華一齊用，補濕效果double up，急救用就最啱！

做到好基本嘅保濕，補水唔黏笠，冇其他功過，唔算十分特別會再回購個種，試過就算。

不黏笠也不油膩的質地，非常適合害怕面霜悶焗的人使用；使用後有像膜一樣的保濕感殘留臉上

買過好多好多次，好適合夏天用，唔會黏或著油，不過覺得份量比較少，好快用完，萬寧成日減價，就會入貨