AHC

瞬效保濕B5微導入活膚霜

今次試用既係AHC B5益菌修護霜~ 同其他韓系面霜一樣，附有小膠匙羹。面霜打開即刻會聞到好明顯嘅香味，好似去咗做Spa咁😆呢排早晚用，感覺好似每日都經lush門口兩次咁 ㅋㅋ 如果隻香味淡返少少會更加好。介意嘅人可能要去萬寧屈臣氏睇吓有冇試用裝試左再買。
質地方面，呢個面霜流動性都幾高，唔會好杰，
好容易推開，少少嘅份量已經足夠搽晒成塊面。上面之後皮膚感覺飲飽水，喺而家轉季嘅天氣保濕度依然好足夠，水潤得來吸收亦都好快，唔會黐立立滿面油光，混油肌用得好舒服😊不過冬天用保濕力有機會唔夠，要再等待觀察~

用咗一排我覺得呢隻面霜係好溫和、唔刺激嘅，無論係Office坐冷氣房，或者出site工作全日，面部嘅皮膚都好穩定，可以一試。