ARMANI Beauty

Power Fabric Pro 專業柔霧持妝粉底液

今次試用既係Armani新一代Power Fabric Pro
留意返佢無防曬成分，要記得自己搽/用有SPF既base~ 粉底唧出黎比較杰身，流動性唔高，不過好容易推開，延展性好高。我習慣 用1泵半左右，已經可以搽曬成塊面+頸， 仲有d剩可以mix唇膏黎做埋 胭脂。

另外粉底液吱出黎搽開之後會好快咁氧化、深色左少少少少少，但係之後帶妝全日都唔會點再氧化，基本上唔洗擔心氧化問題💗粉底上面之後感覺好輕薄，好快會轉成粉質，一d都唔會覺得厚重/焗住皮膚。用粉撲推開個陣有留意到會少少粉撲邊既痕，不過小心推開就ok了(不過都可能我用既粉撲唔太好？😂

遮瑕方面就好出色，薄薄地上一層已經可以遮到晒d 泛紅既位。深色d既雀斑或者 暗瘡印都可以遮到7-8成。但係我偏向自然少少既妝感，唔追求0 瑕疵，所以都無再疊加落去 。另外毛孔都遮得好好!!!特登無用到填毛孔既base黎試，除左鼻翼連神仙都救唔到既巨大毛孔，臉頰本身勁顯眼個d都遮得7788🔥🔥

而妝感方面係偏霧面 既，但係都會有少微光(? 好似係皮膚本身好健康咁透出黎既感覺，唔係令混油肌怕怕既bling bling水光ㅋㅋㅋ記錄左2日分別上妝5 & 11個鐘。5個鐘個日妝感基本上都保持完整。而經歷左11個鐘個日T字位尤其係鼻邊就甩得比較明顯，見到少少泛紅走返出黎，但係臉頰既粉都仲原位，出左少少油變左微微奶油肌既感覺都唔錯~