AHC

瞬效保濕B5益菌修護霜

今次試用 AHC B5 益菌修護霜~ 打開面霜冇特別嘅香味，怕香精過敏嘅人可以安心入手。面霜入面有d好細嘅藍色淺波波， 應該就係d益生菌萃取。美中不足嘅係d益生菌波波嘅分布唔係好平均，好想幫佢攪勻佢 😂 面霜嘅質地比較厚，但係好容易推開，一捽啲藍色波波就會溶入咗個面霜。面霜用落好滋潤，保濕能力亦都好高，用完即刻覺得皮膚補咗水有光澤感，甚至 第二朝洗面嘅時候仍然可以感受到有浸薄膜保護住 。好誠實咁講，10月中香港天氣仲接近30度嘅時候，混油肌搽呢隻面霜真係太厚 ，有少少焗住塊面 ，所以放低左幾日。

後黎天氣開始降溫，轉季塊面有少少過敏同埋脫皮，即刻攞返個面霜出嚟用 ，感覺即刻唔同晒。滋潤度好足夠之餘唔會好笠，而且降敏舒緩效果好強，用左2-3次之後，泛紅同脫皮已經改善咗九成 。持續使用一段時間後，更加覺得皮膚健康左，更加細緻同有光澤o(*////▽////*)q

總結而言，我認為呢個面霜對於混油皮膚嚟講，喺春夏天可能係毒藥，但係秋冬季絕對 係蜜糖，尤其是轉季容易 過敏 既人，好值得一試🙌🏻今個冬天我應該都會 keep住用🫶🏻