Loreal Paris

強韌豐盈防掉噴霧精華

隨住年紀開始大，生活壓力又大，身邊好多朋友都有脫髮問題。我亦都有擔心呢個情況，每日洗頭時見到去水隔上面甩咗嘅頭髮 ，照鏡嗰時見到頭頂分界線好似越嚟越明顯，都會有啲不安。好開心@ cosme俾我有機會試吓即將推出嘅L’OREAL強韌豐盈防掉噴霧精華 ，真係好切合我嘅需要。

產品特點：
含L’OREAL研發嘅高濃度1.5% AMINEXIL防掉成份，能令頭髮抓實髮根；配合能強韌、改善受損髮絲的精氨酸及為毛囊提供營養、滋養髮根的紅花葡萄糖苷，從而減少掉髮、減少斷髮、舒緩頭皮，使髮絲更濃密。

包裝：
玻璃瓶身比較有質感，而我好喜歡佢個噴嘴設計(見圖), 可以直接將精華噴喺頭皮上，而且可以對準重點部位噴，非常方便。

質地：
水狀精華液，輕盈唔笠，容易被頭皮吸收。有淡淡香味但唔會太濃，清新討好。

用法：
今次試用咗18日，每晚洗完頭吹乾頭髮就會直接喺全個頭皮噴幾下， 而特別在意嘅部位，例如頭頂條界 就再集中噴多1-2下，然後用指腹輕輕按摩頭皮直至吸收。官方資料話要按摩約5分鐘，但係我覺得呢隻精華個質地好輕盈，好容易就被頭皮吸收晒 ，所以唔使按咁耐都得 ，用起上嚟真係好方便，啱晒我呢啲懶人。另外一樣好處，係用完佢之後都唔會令到頭髮扁塌黏笠。我試過有一晚唔記得咗用，第二朝再用佢噴完之後，按摩幾下就已經出得街，而個髮根係唔會因為噴咗佢而扁咗 或者笠咗，使用感舒適。

效果：
最明顯係 洗頭同吹頭時睇到甩咗嘅頭髮少咗好多 ，仲要係用咗一個禮拜已經開始見到呢個效果，真係好有驚喜 😍好似從來都未用過一隻咁快見效嘅同類產品 ~~ 我特登影低相比較下使用前同使用後頭頂嗰條界，發現條界無咁明顯，啲頭髮濃密咗，真係好開心❤️我會努力繼續用，希望keep住頭髮強韌健康。之後一定會回購，亦都會推薦俾身邊有需要嘅朋友~~