Benefit

滑溜美肌輕感保濕霜

多謝@cosme 今次抽中我可以試用benefit呢set PORE CARE 毛孔護理系列，可以收細毛孔控制出油嘅試用裝😊

呢款係偏輕型水狀有少少似雪芭feel嘅保濕霜，唔算好實嘅白色，冇乜特別嘅氣味，一上手上面好快就推開吸收左，係好適合春夏呢啲季節用，用完感覺好清爽，搽完好似冇咩搽過野上面咁，唔會有令人唔舒服嘅黏笠感。

用完感覺上唔錯，都有保濕功效，但係唔知係咪好快吸收所以又會好易抽乾咁，唔算有好鎖水嘅效果，可能要再搽多少少份量，搽厚啲，如果係冷氣同乾燥地方，用完過一段時間皮膚都未必足夠水份，未去到乾，但好似feel到要補多少少水嘅感覺，唔會有18-24小時長效保持水嫰嘅效果🫣

如果本身皮膚唔算太缺水嘅可以試下，幾適合春夏用嘅清爽型，但如果皮膚係乾肌，要強效保濕補充大量水份嘅話，我諗佢未必符合到要求😯