SkinCeuticals

抗醣活膚緊緻霜 (彈弓面霜)

感謝@cosme 提供試用，經過一星期嘅感受如下：

本人皮膚係混合性，呢個星期天氣比較反覆，冷暖乾濕交替，令皮膚嘅狀態好唔穩定。

產品係主打抗醣，撫平皺紋，補水舒緩缺水老化肌膚。

面霜質地似棉花細滑，有點濃稠。測試開始前本人嘅皮膚狀態：
由於本身皺紋問題唔嚴重，同埋測試只有一個星期，所以唔太期望皺紋可以有好大改善。

面頰法令紋附近乾紋比較明顯，所以呢個係我今次測試重點。

晚間護膚流程：洗面>柔膚水>精華>面霜
冇其他同品牌嘅產品，都係平時用開基本補濕。一個星期後嘅皮膚狀態：
皮膚感覺有彈性咗，乾紋有被舒緩，第二日起身T位面油分泌有減少，意外地法令紋有少少減退。總結：
雖然測試只有一星期，但係都感受到明顯皮膚狀態有改善，特別係我呢啲熟齡肌。
不過由於質地比較濃同杰身，吸收速度比較慢，塗抹嘅時候建議先在溫熱掌心搓一下再上面，會比較好吸收。如果後續需要化妝，需要等一陣等佢吸收咗先可以再塗底霜，如果唔係會感覺到好似有層膜留咗喺塊面度。

呢款產品效果唔錯，但價錢有啲高，希望會有啲優惠套裝活動，如果平價少許絕對希望入手。

最後再一次多謝品牌同@cosme 嘅試用。