KAMINOWA法之羽

有機防脫髮洗髮露

好開心喺@ cosme抽到試用法之羽KAMINOWA一套四件防脫育髮產品。法之羽係日本品牌，由皮膚科醫生和日本頭髮診斷專家合作研發，全綫產品都係日本製造，而且功效得到日本厚生省認可，所以我都好期待佢嘅效果。
我以前細個啲頭髮都幾濃密，但係因為經常染髮，有時仲加埋電髮，令到頭髮變得脆弱，容易甩頭髮，尤其係頭頂條分界線變得明顯。
官方說明話法之羽洗髮露能促進頭皮血液循環，促進頭皮毛囊健康，強韌髮根，防脫髮，有助毛髮生長，增加頭髮濃密度。
佢個質地係透明凝露，帶少少香味，加少少水就好容易搓出泡，而且泡沫棉密，洗完個頭覺得幾乾淨。而且我鍾意佢係無矽配方，但係洗完頭都唔會話好乾爭爭。
效果：
我試用咗成個系列嘅產品三十日，最明顯嘅效果就係洗頭嘅時候覺得甩嘅頭髮少咗，而我最在意嘅頭頂條分界線係變得無咁明顯，而且呢啲效果係試用咗產品兩個星期左右已經見到，都算幾驚喜。
我鍾意呢隻洗髮露嘅質地，因為佢容易起泡，而且泡沫細緻，有潔淨效果但又唔會令到頭髮好乾，感覺幾溫和。但係畢竟洗頭水喺頭皮上停留嘅時間唔會好耐，如果單獨用佢嘅話育髮效果應該唔會咁快就有。