INNISFREE

維他命C綠茶酵素透亮精華

好多謝innisfree & @cosme 畀我呢個機會試用新產品維他命C綠茶酵素透亮精華。呢款精華含有維他命C&綠茶酵素，主推去除老廢角質、提亮細緻，擊退色斑痘印、暗沉泛黃等問題，塑造亮白透光肌。

先講產品的質感，呢款精華清爽不黏笠，肉眼可以見到有些橙黃色嘅顆粒，大概係維他命C成份。用嘅時候輕輕推開打圈，皮膚好快就吸收哂，特別適合夏天使用。

產品加入咗維他命C，主打亮白功效。用咗21日，坦白講唔覺皮膚有白到，不過呢個夏天咁曬，冇黑到已經要偷笑🤭

感覺比較明顯嘅係暗粒少咗，皮膚細緻幼滑咗。今個夏天天氣咁熱又戴住口罩，成日出完汗又吹冷氣，皮膚差咗好多。用咗呢支精華後，明顯覺得皮膚滑咗冇咁多暗粒，膚質改善咗好多。