Benefit

絲絨柔霧滋潤唇釉

好開心能夠抽中試用 新推出嘅Benefit The New Class 新唇釉系列。呢個系列係針對唇紋同乾唇問題，佢含有多種補濕及滋潤成份，包括透明質酸, 杞子及紅桑子籽油以同甘油，可以為唇部提供滋潤保濕效果，撫平唇部細紋。呢個系列有兩種唔同嘅質地，包括絲絨唇妝Plushtint同水漾唇妝Splashtint，今次試用分別提供咗4種Plushtint同3種Splashtint顏色：

我本身唇部偏乾，有唇紋，而且唇色暗沉：試過晒7隻色後，我比較偏向Plushtint絲絨柔霧系列，因為佢比Splashtint顯色，而且遮蓋本身暗沉唇色效果更好。顏色方面，我鍾意比較自然顯白嘅顏色，個人有以下推介：

02 Cream Puff
呢隻係自然裸色，用嚟打底效果好好，有效遮蓋唇邊的暗沉部份，配搭其他深小小嘅顏色，輕易做到漂亮嘅漸層效果~~26 Quality Pleasure
呢隻係明亮嘅珊瑚色，單搽顏色比較鮮艷，睇落精神啲，但我更加鍾意用佢配搭02色 嘅效果，係好粉嫰嘅粉紅色，好顯白，同埋妝效青春啲❤️ , 大推~~12 Purrr
自然嘅無花果色，顏色百搭又 顯白，令人望落精神啲，比較成熟知性嘅感覺~以上幾隻色都係Plushtint 。Splashtint方面，我最鍾意係05 Honeymooner, 呢隻係好自然嘅珊瑚粉色，好啱日常用，光澤效果幾靚，只係略嫌顏色較透薄，未能完全遮蓋暗沉嘅唇色。呢隻lip tint質地幼滑水潤，搽上咀時好易推開，完全唔顯唇紋，比以往用過嘅同類產品明顯滋潤好多，但又唔會黏笠。而且唔單只係剛上唇嘅時候覺得水潤，而係搽咗一段時間之後仍然有保濕的感覺，呢個效果令我好驚喜😍。
顯色度方面，我試用前有搽無色潤唇膏打底，佢都仍然係好上色，尤其係Plushtint絲絨系列，可以完美遮蓋我暗沉嘅唇邊，我覺得好滿意。
至於持久度，佢嘅表現都好唔錯，唔會甩落口罩度，就算食嘢後唔多唔少會甩咗少少，但只係顏色淡咗，唔會話完全無晒色。
總括嚟講，呢隻lip tint既持久又滋潤，完全滿足到我嘅需要，真心推薦 ❤️❤️