購買資訊

係買潔面套裝送嘅卸妝膏細盒裝，拎去旅行啱啱好。細盒裝唔似貨裝有送匙羹，所以我每次都係拎大概嘅份量嚟用。佢係水凝霜狀，唔似我平日用開balm狀嘅卸妝膏要等佢用體溫嚟溶，搽上面即刻推得開，好滑有啲卸妝油嘅感覺。帶有嘅花香味都幾濃，沖水之後都仲有香味殘留，我自己習慣會再用洗面膏洗面，所以唔太介意。基本嘅粉底眼線唇膏都卸得到，不過需要花多啲時間用少少力捽，感覺係屬於溫和型，唔係速戰速決型。我另外試過搽咗防水睫毛膏嘅日子用，佢就冇辦法卸到太強嘅防水產品，要另外用眼唇卸妝液。 想讚嘅位係，沖水洗乾淨之後，完全唔會覺得乾，皮膚有清爽感得來又滑滑地，洗出嚟感覺係好舒服嘅。

外觀採用KANEBO一貫的極簡黑色美學包裝。質地是乳白色的凝霜，觸感如奶油般綿密柔滑。成分主打親膚的保濕複合配方，宣稱在卸妝的同時能保留肌膚水分。 作為混合偏油肌，在香港潮濕悶熱的天氣下，最怕用卸妝油導致閉口暗粒，或用卸妝水過度摩擦皮膚。這款卸妝霜上臉時觸感豐盈，推開時完全沒有拉扯感，轉化速度極快，稍微按摩就能迅速溶解防水防曬和持久粉底。它非常容易沖洗，洗後完全沒有任何黏笠的油膜感，皮膚摸起來乾爽卻不緊繃。專櫃品牌來說性價比算合理，絕對會想回購。

我本身係乾性肌膚，平時用潔面產品最怕洗完會繃緊、乾到甩皮，所以選擇卸妝產品都會特別留意使用感。今次用 KANEBO Mellow Off Veil，整體感覺好舒服，係一款好適合乾肌嘅溫和卸妝產品。 佢嘅質地好柔滑，推開時有種絲滑感，按摩上面好舒服，唔會拉扯皮膚。用嚟卸日常底妝、防曬同淡妝都好乾淨，按摩一陣之後妝容會慢慢溶開，再加水乳化沖走，過程好順，唔會覺得油膩或者有厚重殘留。 最鍾意係洗完之後皮膚唔會乾澀繃緊，反而保持柔軟同滋潤感。對我呢種乾性肌膚嚟講，呢點真係好重要，因為好多卸妝產品清潔力夠但會令皮膚好乾，而呢款就平衡得幾好，既可以卸得乾淨，又唔會帶走太多皮膚本身嘅水分。 香氣方面亦好舒服，淡淡高級感，用起上嚟有種放鬆嘅護膚儀式感。每晚用佢卸妝都覺得幾療癒，特別係化妝一整日之後，用嚟慢慢按摩，皮膚同心情都好似放鬆咗。