freeplus

雙效平衡肌能露

多謝@cosme 抽中我試用freeplus雙效平衡肌能露，第一次接觸freeplus呢個牌子，同時都係第一次試用水油平衡嘅產品，咁啱試用期間係香港難得一見嘅寒冷天氣，凍得來偏乾燥，啱啱好試到佢嘅滋潤程度。

水油比例8比2，一開始都驚會唔會唔夠滋潤。洗完面倒大概5毫子嘅肌能露到手上，水狀透明嘅質地，簡單推幾下已經轉化為油狀質地，塗上面部感覺滋潤不黏膩，好快就吸收左。當晚訓前無再用其他精華液或者乳液，肌膚仍然感覺水潤不乾燥。

之後早晚洗面後使用肌能露，大概2-3星期，佢可以做到有效保濕，改善到我面部肌膚因為天氣乾冷出現嘅少少脫皮情況，成日用落來唔駛間中再補精華液咁麻煩，一支搞掂面部保濕，使用感非常好。另外好欣賞佢滋潤得來，唔會痴笠笠，都唔會導致生痘痘或者過敏，感覺成份天然溫和。

不過呢個情況係針對香港難得嘅乾冷冬季，如果係夏季或者天氣相對潮濕溫暖，可能就唔夠清爽，唔太適合啦！