CAUDALIE

葡萄蔓極緻淡斑亮白精華

首先感謝cosme抽中我，等我可以試用到大牌子專櫃既精華，呢一支係葡萄蔓極緻淡班亮白精華。

首先講下包裝先，佢係霧面沙質既玻璃樽，非常之有質感。👍而且d印字都好簡潔同容易睇到，放係邊到都覺得好易融入。簡單來講，佢包裝4星。

然後到味道喇，佢聞落有種淡淡既香味。聞落有d似提子味，一d都唔濃，係一種清清爽爽又淡既香味。我自己就比較鍾意d唔濃味既任何護膚品，但佢呢支真係唔錯。香味我比5星🌟

質地來講，佢係有個種有黏稠性。用滴管放係面上都唔會流落去，以精華來講我自己比較偏向黏稠性唔會稀到似水既精華。除左更容易推開之外，亦都唔會因為太水而滴到周位都係變相做浪費。搽完吸收程度算快，而且搽完完全唔會覺得有種厚重感，質地我比4星✨️

講到佢重要既功能既話呢，我先寫護膚既步驟。爽膚水＞精華（呢支）＞眼霜＞面霜。早晚都係咁用，連續起碼7日。因為宜家係春天，近排天氣比較算係乾燥同有風。而我既皮膚係混合肌偏乾，所以如果朝早依以上既排序用加上防曬，肌膚到下午1至2點就已經有部份乾到起皮碎。一定要係同保濕精華一齊用先維持到成日既水潤。

不過重點唔係保濕所以可以唔以呢個來評價，但都係一個考慮既點來。早晚用，連續7日，我自己特別有感既係面色比較均勻,有改善到少少既黃氣。但講到淡班我就真係唔太睇得出有咩大分別。我搽個時仲有特別按摩落重點位……唔……呢個最重要既功能反正就有d強差人意，再加上價錢同ml來講，佢既價錢唔平，所以最後最盡都只可以比2.5星。🫣

整體來講3星，我自己就唔會再回購。以價錢同功效來講唔足以令我翻轉頭。🤔
之前⬆️
之後⬆️⬆️