ettusais

束感雙頭 3D 睫毛液

試用程度：一星期內非連續使用了幾日，情況有朝早出門帶妝到夜晚、或收工後快速換妝赴約等，天氣已經進入炎熱的日子，亦有幾日遇上微雨。

背景資訊：上下睫毛都長、濃密度正常、有長期做角蛋白，喜歡儲睫毛膏。

因為ettusais嘅睫毛產品自從rebrand後都做得幾好，所以一開始對新產品好高期望。
可惜實際使用後覺得呢一款唔太適合自己美感：

- 膏體比起ettusais其他款/亞洲近年流行嘅款式（如1028飛激長或maybelline飛天翹）厚重咗少少，雖然係半透明嘅gel-base，但眼皮咁細緻嘅地方厚重少少搽一層上去都已經會覺得有負擔，全日下來眼皮會攰，而且捲翹度維持唔到全日。

- 雖然厚重咗少少，但formula本身唔差，全日唔溶唔甩碎呢d都輕易做到，值得一讚遇到微雨都捱得過。

- 因為formula厚重咗，所以梳頭正常size都會拎得太多product，用前最好用紙巾抹走d先上。

- 另一邊嘅束感頭未算一支獨秀，有d似黑龍堂嘅kingdom系列其中一款，今次呢款嘅夾角有d闊而且唔係一個對稱嘅三角，實際使用時束感嘅方向難以控制，需要梳後再用鉗調整先做到大陽花嘅方向，有點多此一舉。

- 不過用於要求冇咁高嘅下睫毛時，以上提及嘅缺點變哂做優點，成件事即刻方便快捷自然效果又好，因為膏體重身所以下睫毛可以向下墜更明顯。

總括而言：我覺得ettusais轉branding後成個形象好咗好多，但product好唔好用係消費者會直接面對到嘅體感，今次收到嘅眼妝三件組入面有一支眼線液，一支睫毛底膏同呢一支睫毛膏。三支入面唯一一支我確定唔會回購嘅係呢一款，始終下睫毛要做靚其實太多方法，唔一定要靠佢。
見到佢地嘅廣告愈來愈靚嘅同時都寄望ettusais會係產品設計上更進一步。