NIVEA

DERMA CARE科研 舒敏修護雙管精萃凝乳

- 試用程度：連續使用四日，晚間沖涼後用於手腳，直至確認不適合後停止使用，期間有戶外運動亦有全日留於冷氣房嘅狀態。平時手腳冇乾痕都唔會搽body lotion。

- 容器：扭蓋雖然亮面但未算好留指紋，只係有時擠完手仲有殘餘cream時扭番去會有點跣手。
雙管設計，出咀都有分內外管，幾有趣。
管身上有標示最佳按壓位置，新開時按該位置會唔小心一下子擠太多，習慣後就可控制力度，但始終試用時間較短未知用到落底會不會仍然可按出。
未算好理解到分開內外管嘅用意，估計係formula限制或marketing噱頭。
- 香味：搽開時有明顯香味，不過比起Nivea經典款乳霜淡了一半有多。

- 質地：外管好水，流動性超高到容易流走，類似韓牌蘆薈gel嗰種質地；內管係相對比較濃稠嘅乳液狀，推開後會有種潤潤的膜感，但唔會有種留咗層嘢喺皮膚表面嘅感覺。
兩種質地混合後overall係一個舒服嘅又水又潤嘅感覺，而且好快吸收唔會有笠/膜感。

- 效果：搽完當下嘅體感良好，夜間搽完日間都冇咩乾痕感覺。連續用兩日後發現手腳皮膚都起咗好多細暗粒，唔信邪試多兩日繼續有，停用後幾日就完全消去了，只能說可惜。

無法下結論，因為用落覺得幾舒服幾好但結果起粒粒，偏偏佢主打舒敏修護...所以都唔知邊一類人適合使用。