Avene

維Cg抗氧淡斑精華

首先感謝@cosme的試用邀請，我根據使用說明首五天使用使用另一枝保濕精華，之後五天使用呢一枝淡斑精華，之後11天兩支一起用。我係混合偏乾嘅皮膚，呢21日入邊嘅天氣有十分乾燥寒冷亦都有落雨潮濕。未開始用之前我嘅皮膚有少少乾到紅紅地。Day 1和Day 21的效果如圖，感覺上皮膚提亮左少少！

呢枝淡斑精華好神奇地有少少似乳液！平時啲美白淡斑/維他命C精華多數都係透明，放得耐就會變黃效果會冇咁好。但呢支淡斑精華用晒咁滯都仲係乳白色，感覺上比其他淡斑精華更加穩定。佢嘅流動性中等，搽上面之後好快吸收。黏感中等，使用嘅感受都同乳液幾似，唔係太似精華。佢搽上面即時有少少保濕嘅效果。我喺天氣有少少潮濕嘅日子瞓覺前淨係用佢，保濕效果都足夠，化妝前用都冇起擦膠碎！
呢支美白精華同另外一支保濕精華一樣，帶有一點點香味，唔難聞，啲味道唔會好持久。

第11至到21日，我將兩枝精華溝埋一齊用，個效果比淨係用一支美白精華保濕多少少。用完21日之後塊面整體提亮咗，粉嫩左冇咁黃。不過d曬斑就仲見到。但有白左我好滿意，會繼續用❤️。