Avene

極速保濕水漾精華

首先感謝@cosme的試用邀請，我根據使用說明首五天使用使用呢枝保濕精華，之後五天使用另一支avene淡斑精華，之後十天兩支一起用。我係混合偏乾嘅皮膚，呢21日入邊嘅天氣有十分乾燥寒冷亦都有落雨潮濕。未開始用之前我嘅皮膚有少少乾到紅紅地。Day 1和Day 21的效果如圖，感覺上皮膚提亮了一點點。

呢支保濕精華係透明嘅，流動性比較高，搽上面之後好快吸收。黏感唔會太重。即時已經有少少保濕嘅效果。但係頭嗰幾日天氣比較乾嘅時候，瞓覺前淨係用佢，保濕效果有少少唔足夠，第二朝起身化妝會有少少乾同埋甩皮。但如果同埋cream一齊用就可以鎖住啲水份，啱啱好。去到之後嘅日子天氣比較潮濕嘅時候，單用呢支保濕精華都可以，唔使搽cream。有時候我會怕護膚品的香味好難聞，呢支保濕精華帶有一點點香味，唔濃烈，甚至有少少高級感😂，唔難聞，啲味道唔會好持久。

第11至到21日，將保濕精華同埋另一支淡斑精華溝埋一齊用，個效果比淨係用保濕精華好！潤過單擦保濕精華。所以我推薦兩支一齊用。用左21日之後，皮膚冇再甩皮，冇以前咁乾，化妝都有貼服左嘅感覺～