THREE

平衡潔膚油 N

感謝 @cosme 邀請試用THREE平衡潔膚油，唧出嚟係淡黃色，一支出嚟就聞到陣草本香氣，用既時候覺得心情放鬆咗。

以前一直都係用卸妝水為主，因為返學個陣都係搽潤色防曬、畫下眉毛就算，但係依家基本上每日返工出街都會化妝，開始發現卸妝水清潔力唔係好夠，眼線個啲要用化妝棉捽好多下先會甩到，本身都有諗緊係咪要轉用卸妝膏或者卸妝油，不過以前用過其他牌子嘅卸妝油同卸妝膏，結果塊面瘋狂出粒粒，搞到我有少少驚咗，咁啱見到Cosme有試用邀請，又記得之前朋友講過THREE嘅護膚油唔錯，一試果然唔錯 。

係手背到試超持久防水眼線同唇膏，唇膏可以輕易卸走，至於防水眼線按摩一陣都可以完全卸除，唔需要係咁捽佢。過水時會乳化，但係乳化程度唔高。過水後皮膚有少少油既感覺，但係可以接受，唔會乾燥緊繃，不過我習慣會再用洗面產品洗多次~