CeraVe

A醇全效平滑祛印精華

多謝@cosme嘅邀請～今次試用嘅產品係Cerave A醇全效平滑袪印精華，仲有去油抗瑕疵白泥潔膚霜（會喺另一篇心得分享～）我係一個混合偏油肌，用精華唔鍾意痴笠笠嘅，因為過一陣就會油光煥發🥲呢一枝精華吸收得都好快，可能再加上依家開始轉季，冇夏天咁潮濕，所以呢10日我塊面搽咗精華之後都吸收得算快😆完全冇負擔

質地係好似下圖咁樣～因為坊間普遍都以「早C晚A」嘅方法護理嘅緣故，我都參考咗呢個方法。第一次用A醇產品，吸收咗之後，即時皮膚係有變光滑平整，經過10日嘅療程，喺收細毛孔同肌膚平滑方面的確係有效果。至於痘印，因為呢幾日暫時都未有痘痘，所以未知效果如何，有機會我都會用佢嚟測試痘印嘅情況！

之後我都會keep住用佢，觀察吓長期使用下感受會唔會更加明顯😆❤️