Avene

保濕潤膚水

最近成日吹冷氣，搞到塊面敏感又繃緊，仲出咗幾粒油脂粒，真係好煩😣！好彩屋企常備Avene呢支保濕潤膚水，真心想同大家分享下～ ✨使用感： 一搽上面已經覺得好舒服，質地滋潤，一開始會有少少黏立，但吸收得超快！佢唔會好似其他護膚品咁有酒精，成分安全好適合敏感肌用，有少少香料味，不過我唔太介意。我通常早晚都用，化妝前會用嚟濕敷幾分鐘，個底妝即刻貼服好多～ 💦超滋潤但完全吸收後唔會笠： 最驚喜係佢滋潤度夠晒高，但完全唔會阻塞毛孔！就算日日用都唔會生暗瘡或者閉口，反而覺得皮膚穩定咗好多。就算係咁乾嘅日子，佢都可以keep住塊面水潤潤，唔會甩皮或者泛紅～ 🌙敏感乾燥一夜回春？ 真係冇誇張！有晚我塊面又紅又癢，厚敷咗一層Avene呢支潤膚水瞓覺，第二朝起身竟然冇事啦～😲 皮膚摸落去滑溜咗，仲有光澤感，好似飲飽水咁！之後我每次覺得皮膚唔妥都會攞佢嚟急救，次次都救得返～ 總結： 如果你都係敏感肌或者成日覺得皮膚乾到爆，真係可以試下Avene呢支！溫和、保濕、唔致痘，仲可以穩定皮膚狀態～已經成為我護膚品裡面必備嘅萬用寶品❤️！

Avène 依款化妝水能有效提供深層的保濕效果，讓肌膚感覺柔軟光滑。本身依個品牌都主打天然，敏感肌人士都用得。其成分溫和，不含香料，適合敏感肌膚使用，能減少刺激和不適感。其具有舒緩肌膚的功效，能有效減少紅腫和不適 質地輕盈，使用後不油膩，但有少少潤，適合乾燥、秋冬季節時使用。搽後要拍幾下，就能迅速被肌膚吸收。 另外，雖然個名標明係潤膚水，但都可用作化妝水或鎖水劑，能提升其他護膚產品的效果，讓肌膚保持水潤。 適合肌膚：任何 成效度：4/5 保濕度：4.5/5 吸收度：3/5 質地：水狀，但較黏

搖一搖都feel到支水係比較濃郁滋潤，都係攞女朋友嘅爽膚水嚟試吓。首先支水有好大浸化學味，好臭。用上面皮膚有水份表面，好似精華嘅稠身度。用完唔會太清爽，強大保濕度。佢嘅感覺有啲似dr wu 以前出嘅藍色保濕爽膚水一樣，補水到偏高💧 Dr wu嗰支已經冇出了，可以用依枝Avene做代替👍🏻 乾性皮膚會啱用，我自己就比較鍾意用噴霧嗰支，方便使用同埋可以降溫🤗

不錯的保濕水，但香味似係人工香料的香氣。乾燥皮膚適合使用，過敏性皮膚就自己試下先再大量使用

Avene hydrance lotion review - ⭐️氣味 雖然avene 主打醫美產品 可以畀敏感肌用 但佢係有avene 一貫都有嘅香料味 唔刺鼻 但敏感肌要試幾次先好真係用 ⭐️保濕力 作為爽膚水 保濕力一般 個人嚟講用完係有保濕到 但持久力有啲弱 ⭐️其他效果 佢同廣告一樣 只係主打保濕 個人有試過敏感個陣用 想睇下有冇舒緩到 答案係無

趁早前消費券優惠購買了Avane幾樣產品，先用左保濕水，用黎做濕敷感覺好好，好潤澤，有少少立，不過乾肌很ok啊！另外亦會每朝洗面後，拍兩次里枝潤膚水，保濕效果好似用左精華液甘(*๓´╰╯`๓)♡用完冇敏感冇痕癢，安心！

呢支化妝水一樣都有avene既獨特味道，聞落好舒服療愈，轉季用係幾好，質地輕盈流動性高，抹上面有保濕感得黎唔會痴笠笠，舒緩左轉季皮膚痕癢同泛紅既情況！

聞落好舒服，對我嚟講太過滋潤，搽上面之後難吸收，但係又唔覺得特別保濕，純粹係有層嘢喺面，用咗之後令後續其他護膚品都吸收唔到

皮膚敏感和乾燥的救星❗大愛的化妝水 💕 Avene這個保濕潤膚水已經成為我每日必備的護膚品，因為轉天氣加上皮膚本來就很乾燥，實在不可或缺~ 產品質地呈水狀，具很高流動性。同時又要比一般水劑稠一點，像精華水一樣。並帶有 Avene產品的香味，個人不抗拒。不過，因為和它的卸妝水同一味道，有時會懷疑自己有沒有倒錯了😅🤣 個人喜歡早上使用這枝潤膚水。

有睇過啲報道講話，如果想皮膚吸濕得好啲嘅時候第一步要搽啲水性嘅護膚品後續嘅保養會比較好吸收而呢款就係其一

不太喜歡他黐立立的質地，唔夠清爽，好似有一層膜漿住塊面咁，不太推薦

Office放一支屋企放一支方便隨時噴一噴保濕 噴霧好幼細唔驚整花妝容 已回購多枝 

這牌子曾經是我的最愛，用過很多款它們的產品。而這款爽膚水是目前還有在使用的。這產品很保濕，不會致痘和過敏，很溫和，但對我而言只可以冬天使用。因為雖然產品倒在手上是水狀的，但其實拍上臉後會變得有點濃稠。你覺得這款產品與其說是爽膚水，更像是精華水的感覺。 洗完臉後，我會用手拍這款爽膚水上臉，特別乾燥的日

呢支潤膚水保濕能力極高，當我塊面轉季時感覺有啲乾嘅時候，就會用佢黎補充肌膚水份。洗面後用化妝棉濕敷或者拍上面，感覺滋潤得黎吾笠，之後搽既護膚品都特別吸收，真係好好用。

之前轉季皮膚水油不平衡，搽完用開嘅護膚品都係好乾、繃緊咁，有時又有好多暗瘡、油脂粒同泛紅，結果用左呢枝同埋泉水之後皮膚就好左好多，皮膚唔會再好繃緊、泛紅，暗瘡都好返好多。基本上洗完臉會即刻噴泉水，然後搽呢枝爽膚水。雖然望落係係好似普通水咁，但其實質地都有少少稠、幾潤，會回購！

買其他嘢送咗枝，好水好温和唔會出事唔會敏感但係又唔話特別保濕，冇乜特別功效唔係敏感肌唔會選擇。

質感水潤無負擔亦很好吸收，持久保濕同時能改善與緩和皮膚敏感的情況，對濕疹肌也相當友善！

質地較濃稠的爽膚水，有很好的保濕效， 通常我使用化妝棉使用， 比較容易控制分佈，對收細毛孔沒有太大幫助。

皮膚敏感嘅時候用佢保濕就一流，佢唔會刺激到皮膚，質地好滑，少少濃稠，一分鐘內都吸收得哂架喇，吸收完之後唔會笠，皮膚都幾軟熟，保濕能力都幾高。爛面嘅時候，我用完佢再加一個成分溫和嘅面霜就搞掂。