SK-II

護膚精華 (神仙水)

SK-II神仙水其實已經聽過好多年。但由於市面上有數之不盡般嘅護膚化妝產品，那些年無機會試試。而家等到一把年紀先試，其實未嘗一件壞事。反而覺得現時年紀先可以將神仙水嘅真功夫發揮得淋漓盡致。

神仙水睇落係一支普通化妝水。透明無色。帶著一般無添加護膚品嘅味道。可以用法有兩種。一種係一直強調，連廣告都會係咁示範嘅，就係直接倒兩三滴於手中，然後拍上全面。第二種係將相等份量搭配化妝棉使用。我比較鍾意第一款。可以直接吸收，唔需要比化妝棉抽水。化妝棉方法會慢慢將神仙水推入皮膚，要比d心機輕拍皮膚，令神仙水好好被吸收。

試用前剛好遇到轉季，天氣變得乾燥。一般皮膚護理步驟有差少少嘅感覺。面頰開始見到一d乾燥嘅粒粒。早晚用返神仙水打救，幾日後，乾燥粒粒已開始變平。除此之外，更發現一早起身，皮膚嘅自然光澤有提升。見到嘅唔係油光，而係柔光。

總結。CP值高。雖然價錢貴左少少，但其實每次用量都係超少就夠。最重要係皮膚質量有明顯改善。同朋友提起SK-II神仙水，大家都有同感。快年近40，神仙水的確會係我嘅skin care routine中佔一位置。