SK-II

護膚精華 (神仙水)

SK-II神仙水一直都係大家都好熟悉嘅王牌明星產品，今次終於都有機會可以試下呢個咁出名既專櫃明星。細個聽個名以為神仙水係爽膚水，原來佢係質地好薄、好水既水狀精華，用法好簡單，就咁倒落手拍上面，幾秒後就已經會吸收晒，完全感受到佢快速滲透肌底，清爽既感覺。

呢兩個星期香港由30幾度跌到落最低7/8度，皮膚一乾燥就會有好多問題出現，好彩神仙水有助為肌膚深層注入營養，令肌膚更水潤，呢次轉季皮膚唔可以話完全無出狀況，但比起以前氣溫急跌成塊面瘋狂甩皮，用神仙水後既膚況係穩定左好多，而皮膚飲飽水之後，毛孔細紋自然會獲得改善。睇番神仙水介紹，入面有超過90% PITERA成分，PITERA最主要就係有補充肌膚水分、穩定膚況既功能。PITERA入面有超過50種微量營養素，包括維生素、氨基酸、礦物質和有機酸等，與肌膚天然保濕因子結構相似，一支就可以解決多種皮膚問題，持續使用14日後，我既皮膚整體狀態真係越黎越好，皮膚泛紅敏感、毛孔粗大、暗瘡印都有明顯好轉，皮膚變得更加晶瑩剔透，用14日後再對比番用之前，效果都好明顯，好期待用完成支神仙水後，皮膚可以更透白、毛孔更細緻、達至幫皮膚減齡既成果！