ORIGINS

靈芝菇菌抗逆健膚紓緩乳液 (停)(已停產)

號外❗️❗️新鮮滾熱辣嘅試用文❗️

之前化妝水篇都講過多得Origins解決早排嘅敏感問題，但我本身嘅皮膚有啲衰，唔敏感嘅時候就混合肌，用開嘅護膚品都冇問題，一敏感起上嚟，皮膚又乾又甩皮，毛孔大到嚇死人，唔敢亂用清潔產品，膚色都黑左個tone咁😭😭

因為呢排戴口罩太長時間，縱使敷完「靈芝水」可以降紅，搽完其他品牌嘅精華同乳液都會開紅返同痕癢（註：之前平時有一直用開呢啲精華同乳液，完全冇事，仲相當唔錯；不過可能最近肌膚變得脆弱不堪，所以必須要尋求主打紓緩肌膚問題嘅產品）

醒起之前買Origins 「悅肌再生逆齡抗皺精華」（精華用後感係返精華產品詳述），送左支體驗裝「靈芝菇菌抗逆健膚紓緩乳液」，即刻摷返嚟用⋯

絕不浮誇，第一晚用完已經冇痕冇紅，唔洗再忍手怕抓損皮膚😫
如是者梗係繼續用佢啦，除左朝早返工時間同係街戴口罩時，少不免都會痕癢；返到屋企除嘅時候，啲紅已經減輕左好多😍

係相可以見到佢比較厚身嘅Lotion ，塗上面後有少少黏黏地嘅感覺，如果比較油嘅肌膚，我相信唔太合適

我朝早用完佢都要少少時間等佢薄身啲先化妝，同埋相對平時，係比較易出油左嘅⋯

不過敏感同面油，我選擇左面油啦😂，所以如果好似我咁敏感都塗咩都冇效，我十分推介呢支比大家！
之不過如果你係非常油性皮膚同暗瘡，可能要再考慮一下⋯
⭐️分數⭐️（10分滿分）
紓緩敏感：9分（以紓緩敏感皮膚嚟講，佢真係非常勁揪😎）
補濕效果：6分（效果唔算明顯，與一般乳液相若）
控油效果：4分（比較厚身嘅乳液）