ORIGINS

靈芝菇菌抗逆健膚紓緩水 (停)(已停產)

已經聽過好多人講呢枝「菇水」好用～最近終於買嚟用吓❗️
「菇水」質地比水稍微黏稠，但依然係流動性高嘅液體；用嘅時候係有一種特別嘅草本味喺度，但我幾得陣味幾好聞🤣🤣但當然呢樣嘢見仁見智啦。

用完之後，肌膚明顯保濕度有上升。而且有時生咗零零丁丁一兩粒瘡，敷喺暗瘡發炎嘅位置，的確會謝得快啲👍🏻👍🏻

但因為我肌膚本身無咩泛紅、嚴重暗瘡粉刺嘅問題，所以好似唔係好體會到化妝水最為人讚賞嘅鎮靜功效～我諗轉季時會再回購用用。