CANMAKE TOKYO

柔滑眼線筆

好榮幸抽中我，試用 今次嘅產品 ！呢支眼線筆，之前一直希望想試，但未有機會。今次試用令我非常滿意！
先講質地方面，佢非常順滑，好creamy! 眼睛係脆弱嘅皮膚，如果眼線筆唔夠順滑，來回拖拉會令到皮膚鬆弛，用呢支眼線筆一定唔會出現呢個問題，因為一下就已經畫得出清晰嘅線條。
呢枝眼線筆，可以畫出非常幼細嘅眼線，尤其適合畫內眼線，或者眼線尾部。
妝容持久度方面，畫眼線最怕就係流眼淚，或者有眼水，會溶化眼妝，我試過畫完呢支眼線，用水來回沖洗，眼線完全唔會溶化，持久到100分！詳細效果可以參考相片。
今次試用嘅顏色係紫紅色，可能未必好適合日常妝容，但大家可以放心入手佢嘅黑色，相信效果一樣咁好！