購買資訊

想偷懶貪方便買嘅卸妝紙諗住去旅行用可以帶少d野揭蓋方式 每次拎1張好方便size都夠大 15x20cm尺寸已經足夠卸全面嘅妝卸妝紙清潔力都幾好抹3下 已經卸左8-9成抹10下已經乾淨哂 但同時皮膚擦拭後有少少紅 產品包裝寫無香料 但聞落有香味同酒精味 用落有d刺激皮膚 自己係沙漠乾肌同易敏感 用泥卸眼妝後眼皮有d紅腫 但卸面就ok冇問題 如果皮膚比較健康而且對酒精唔敏感 哩卸妝紙真係好方便 但敏感肌就慎用喇 產地：日本 購入日期：2024-07-13 購入方式：Watsons HK app 入手價錢：HKD31.68/46pcs (HKD0.69/pc) 原價：HKD59 (HKD1.28/pc) 回購：0/10 *眼皮會敏感

使用方便，抽出黎直接抹臉即可，一張大概手掌攤開既呎吋。卸妝徹底，淡妝既話一張就足夠清潔乾淨。聞落有輕微酒精味，不過唔覺得有刺激性。抹後感覺水潤，通常翻到屋企用卸妝紙落妝就唔理塊面，食埋飯先沖涼洗臉搽cream。 同款有各種顏色各種功能，大部份都試用過，分別不大😂

Bifesta 嘅卸妝巾已回購多次！旅行、staycation必帶用品！！ 化完妝多數用一至兩塊已經足夠卸乾淨面上嘅妝，有時候懶得用卸妝水/卸妝膏就會用卸妝巾代替～ 佢最好係有出10片同46片嘅size，可以視乎長旅行或者一日staycation 而帶唔同size！ 我多數屋企都會自留46片size ，以防不時之需～