美白乳液 推薦好用產品

Katrina好用推薦：Albion Excia美白滲透乳質地好滑好易吸收。當初聽介紹用法嘅時候，覺得每次三泵好似有啲多，但用落因為佢真係幾易吸收，所以唔會過多或者太笠。我係配合晒佢嘅精華同白神發酵液用，用咗一段時間覺得皮膚有白咗少少，最緊要係有光澤咗同埋柔軟咗。

Circlecyy20好用推薦：吸收力很強 不像一般的打著美白名號而滋潤度不高的乳液 這同時能夠於美白時滋潤皮膚

Cpyg5好用推薦：多謝 @cosme 邀請試用DECORTÉ AQ 極萃光采亮白系列，今次有化妝水，乳液同埋晚霜既7日試用裝，我一包分早晚用，7日就淨係用佢地護膚～ 乳液： 一開始使用，我係直接用手搽上面，可能春天本身已經笠，我覺得有少少太油，用完臉上好似有層油咁。之後我轉左用化妝棉上，即刻好好多，上面後好快吸收，但仍然會保留少少舒服既油潤感，係成個系列入面我覺得最明顯有亮白既效果。 下面係全系列使用7日既效果～ （前星期嘴唇邊既暗瘡終於謝左TὢT 留左個好深既痘印）成個系列都易吸收易推開，同一個香味用得好舒服～使用左7日後，個痘印我覺得都明顯淡左，可見美白同提亮效果不錯，至於改變膚色可能要再用耐d先會有變化～另外小小缺點係單用依個系列保濕可能唔太夠，要配合埋其他保濕護膚品～ 推薦～

Meow好用推薦：首先好多謝cosme邀請我試用DECORTÉ既產品，今次亦都係我第一次使用呢個牌子既產品。 今次試用既產品分別係： 1）AQ極萃光釆亮白化妝水 2）AQ極萃光釆亮白乳液 3）AQ極萃光釆亮白乳霜 呢三款產品係全新既光釆亮白系列，結合畫再新醫療同埋神經科學，成份包括咗硫酸軟骨素，複方成分嘅sp復合物同埋flex fusion olein capsule，能夠修復真皮損傷，抑制黑色素生成，從而令到美白精華可以高效滲透到肌膚底層。 首先三款產品都有一陣好好聞嘅味道，使用嘅次序係先用乳液再用化妝水，最後用乳霜，有別於市面上一般嘅護膚程序。 AQ極萃光釆亮白化妝水質地比較水狀，十分清爽，查上面之後肌膚會感覺到水潤有彈性。 AQ極萃光釆亮白乳液同AQ極萃光釆亮白乳霜既質地既黏稠度較適中，唔算十分清爽比較適合春秋時節用，夏天可能會有少少苙，但喺冷氣房入面就唔會覺得乾，不過查上面之後會feel到肌膚好彈好嫩，可能係加咗軟骨素成分所以會令到肌膚感到好細嫩。 三款嘅產品喺夜晚搽完，再開冷氣吹一晚皮膚都唔會覺得乾，而第二日早上起身亦都會感覺到皮膚有光澤同透亮感。 但因為試用裝太少，未能真正體現到美白效果。

zetalhc好用推薦：有輕微提亮同埋令膚色更加有光澤嘅效果，質地都水潤好容易吸收，敏感皮膚用咗都唔會覺得刺痛或者痕癢

格仔餅公主好用推薦：價錢唔貴但又真係有feel的到既提亮效果，用黎去皮膚黃氣超正超有感，唔會乾有少少滋潤感

Ning好用推薦：用上去舒服、易吸收 用左半支，加埋按摩感覺皮膚有彈性左同白左 明明係美白產品，我敏感肌但用上去唔乸👍🏻 不過太貴，未必會回購第二支

choichoi好用推薦：有溫和提亮的感覺，肌膚看上去比較白皙，是帶些去黃氣的效果；推薦給熟齡肌朋友可以帶來好氣息之類更有豐潤的潤澤感覺

Bear好用推薦：一直回購snowise的產品，這個乳液不會過黏，但是冬天搭配精華和化妝水使用真的很有感。氣味沒有精華那麼自然（這個會有一點點香味）Snowise的產品最厲害是真的會變白，大概幾天早晚洗臉後塗已經可以看到皮膚變明亮！

Milo101好用推薦：🌟白色乳液質地 🌟早段日子與同系列的爽膚水一併使用，用了半支會發現開始變白

Meric好用推薦：之前用過試用裝，在乾燥寒冷的日本使用後，發現皮膚竟然比起在香港時的狀態更好，配合它的健康水，皮膚即時變得非常之柔軟。在買的時候，售貨員說這個比起普通的乳液更好，有美白功能，不過因為最近都沒有怎麼曬黑，美白的功能好像不太明顯。順帶一提，非常欣賞膠樽的設計，再用完整知的時候發現像是真空般的再也看不出什麼來，打開一看，原來裏面有一層類似膠袋包着乳液，所以用到最後時可以不太浪費地用盡所有乳液，第一次看見這樣貼心的包裝呢！

Circlecyy20好用推薦：日本買健康水附送既贈品，質地好水潤，一抹上皮膚就很快吸收，香氣係高級spa既味道，聞起黎好舒服。在凍乾既地方使用，第二日皮膚都好有彈性。

格仔餅公主好用推薦：當初見到結衣BB做代言即刻狗衝，好鍾意佢梳乎厘呢個gimmick 好得意，佢又真係增加到皮膚嘅彈潤感

Aivlys好用推薦：19年底喺福岡藥妝店買入， 仲送咗一支24mL嘅雪肌精化妝水試用裝。 個人好欣賞佢嘅設計係泵裝， 可以輕鬆擠出想要嘅份量而毋須手動倒出嚟。 可能因為泵頭有特別設計， 擠出嚟嘅乳液真係好豐盈蓬鬆， 唔似一般乳液倒出嚟一灘嘢咁。 乳液本身係白色帶有雪肌精一貫花香味， 值得一提係聞唔到酒精味， 唔知係咪改良過配方呢？ 搽上面吸收得好快， 而且皮膚唔會痴立立， 望落比較霧面同乾爽， 但同時都做到保濕鎖水嘅效果， 晚黑用完第二朝起身都唔會成塊臉油立立或者乾爭爭， 效果有驚喜！ 用完之後如無意外會回購！

Noel好用推薦：Sofina Jenne 系列我很推介，價格比較親民，而產品質素也得有保證❗這罐美白保濕霜是淺藍色蓋款，乳白色，啫喱霜質感，塗到皮膚比較 light 易吸收，沒有美白產品的焗促感覺👍 另外，也很適合用作化妝前的保濕霜，令皮膚滋潤，底妝更持久。不過美白效果一般，更推薦白盒那款，因為質感相近，價格更便宜😆

Sym97好用推薦：Sofina jenne 系列既依款啫喱乳液雖然係白色，但使用時令皮膚變得清澈，搽上面感覺清新並十分容易吸收，沒有黏笠感。最岩春夏季使用！ 效果方面，個人最想highlight 既係用後皮膚明顯有返彈性。另外覺得保濕鎖水能力不錯👍🏻日後會回購！

lingbb好用推薦：- 好大枝。主打水潤美白。身體美白都唔可以忽視 - 冇味，質感水潤透薄，皮膚快速吸收 - 持續使用暫時未見到有明顯白

劉肥貓好用推薦：乳液狀嘅潤膚乳 容易推開吸收快 但對於沙漠肌嘅朋友或者冬天天氣較為寒冷同乾燥天氣時使用 滋潤度未必足夠 適合春夏天開冷氣時使用或者適合喜歡清爽嘅朋友使用

Sa Sa San好用推薦：已經回購多次嘅乳液。 滋潤效果很好，質地唔太厚，容易吸收，適合任何季節使用。本身自己都算白，就算曬完一日，只要keep住用乳液一段時間就會好快白返。

維他他好用推薦：滋潤版的藥用雪肌精美白乳液，乳白色的質地，搽上面好快吸收，吸收完帶有滋潤，少少黏的感覺，始終係滋潤版嘛，價錢都少貴，要$285，美白效果未見，反而滋潤效果高d, 哈

choichoi好用推薦：含有既美白成份係維他命C 流動性大呈水狀所以好好推 吸收得快但2-3小時後會慢慢Feel到塊臉有少少油脂感滲返出黎 如果油肌同擔心生粉刺痘痘既朋友要慎試呀 專科係Shiseido既副線但價錢係超實惠既$4X🤑 可能正正係性價比需要相符,用左排後發現只係好單純咁幫塊臉補緊濕 又唔會話失望因為個價錢擺左係度 但驚喜係…話說前排BBQ曬到個人對手同腳足足黑左一度 ..好傷心T^T 搽左一個禮拜左右竟然有稍為提亮既跡象,雖然唔係即刻變白 但話唔定用哂一支之後,個一度可以變返做半度都唔定呢 係個身到Work左,於是佢就好順勢由面部Lotion變左做Body Lotion

natanatalie好用推薦：溫和又有效，雖然價錢有一點貴，但用落好舒服，每次用都好似幫肌膚減壓咁，亦唔會敏感

Summer好用推薦：對油肌友好！ 質地容易推開！ 單用應該好難美白！ 不過保濕都可以！ 容易吸收！

Circlecyy20好用推薦：夏天使用相當清爽，不會過於油潤，皮膚不容易長出粒粒，美白效果要用完一支才能知道

Sharon Kwok好用推薦：. Curél 美白水凝保濕乳液 • 從植物萃取的高效美白成分「Chamomile ET」能抑制黑色素形成，有效預防並減退已形成的色斑及雀斑 • 蘊含「潤浸保濕Ceramide功能成分」及桉樹精華，能深入滲透至肌膚角質層，讓肌膚回復高密度水潤狀態，感覺柔軟，同時有效抗禦外來刺激 • 讓肌膚加倍透亮淨白，更可趕走因乾燥或粗糙膚質而形成的當暗啞，重拾亮澤膚色 • 較易被肌膚吸收，用後感覺舒爽 🤓 整系都係 💋 溫和 快吸收, 唔黏立 零刺激, 乖乖早晚揸揸揸唄~ 💆🏻‍♀️

natanatalie好用推薦：質地流質易推，但等好耐都仲有一點笠，可能好難吸收，個人覺得會焗到出痘

AmyAmy好用推薦：美白效果就真係唔多覺，但係一如既往地實惠抵用，保濕度亦都足夠嘅

Tiffany好用推薦：比較滋潤，可以即時撫平乾紋細紋嘅body cream，即時有提亮效果，好快就變返正常。

Desse好用推薦：之前家姐買過紅色款夏天用.. 今次去日本見到藍色喱款.. 我又買嚟用吓🧏🏻‍♀️ AQUA LABEL 五合一4MSK亮白淡斑面霜 有別於紅色嘅輕型透明gel.. 藍色款反而係米黃色嘅cream狀🧏🏻‍♀️ 💡輕薄易推 質地比較厚身.. 但依舊輕薄易推 吸收度慢少少.. 臉上會有輕微黏立感.. 但可以接受 💡五合一功效 懶人專利嘅5合1… 效果算唔錯.. 保濕度高且持久.. 而家冬天咁凍.. 單搽都唔會凍到面痛或者起紋.. 💡提升膚色光澤 用咗約一星期… 見到膚色提亮咗少少.. 美白效果就暫時未見 一罐用量大約用到1個月，性價比唔錯 係陪我度過2024年冬天其中一款產品🌟 🌟記得要外加眼霜..5合1是無包眼仔的🧏🏻‍♀️

natanatalie好用推薦：之前去旅行買落，好流質但不算好吸收，有一定保濕力，但都算黐笠，唔適合油肌夏天用

glo0_0好用推薦：美白乳液質地清爽易推，有淡淡香味。但一搽上面，無論點推開都會推出大量擦膠碎，即使搽完精華等一小時再用，或者洗完面爽膚水後用，都係大量擦膠碎，所以用完試用就無入手，反而花萃幹細胞再生全效精華好用到不得了，最後買左兩支。

Pinky好用推薦：乳液狀質地，推開有防曬感覺，可以做埋日抖既乳液/面霜+防曬，2合1比較方便，滋潤保濕度一般，有時搽既時候會起擦膠碎

agnessstang好用推薦：Medicube官網summer sale購入嘅即期品 有點人工嘅香味 但可以接受 偏厚身嘅乳液質地 唔係水狀 流動性普通 易推 但搽完都會感受到佢喺皮膚上 唔係完全吸收曬勁清爽嗰種 質地可能比較適合冬天用 搽完有保濕感💧 美白暫時冇乜太大感覺

lingbb好用推薦：- 身體乳係流動性高嘅白色乳液狀，易推易吸收唔黏笠 - 有淡淡香味，幾舒服， - 暫時去身體痘印唔明顯

iliya 好用推薦：呢款乳液比較稀身，所以好易被皮膚吸收又唔黏笠，但係淨白嘅功效唔明顯，保濕嘅話就夠夏天時用

Kpl6be6好用推薦：之前於韓國旅行時購入～感覺質地較輕薄水感～適宜夏天想要無負擔簡單護膚時使用～個人幾鍾意陣清新蕃茄香氣🍅

natanatalie好用推薦：香料比較重，我不是敏感肌但也有點受不了，有保濕功效，但美白功效不出眾