YO! Me again! 但我搵唔到想分享嘅個個產品page🧐難道未更新嗎~~? 今次想分享嘅係Maybelline嘅Superstay超持久30H空氣感粉底液「月光小紫瓶」 & SUPERSTAY 超持久30H氣墊粉底霜「月光小忌廉」～ 其實開架彩妝品牌黎講，「月光小忌廉」嘅售價係有啲令人卻步， 不過佢膏狀嘅粉底又引起左我好奇，所以就一齊入手～ 今次買嘅色號係N10（液）同C20（膏）。 本來都無話好大期望，淨係貪新鮮買黎用下，點知又出奇地幾好用喎🤣 首先講下粉底液先。 依個價錢黎講性價比都幾高，持妝中規中矩， 流動性超強，遮瑕都去到7成， 不過上妝嘅速度要快，以為咁水會要啲時間成膜，點知都幾快乾。 然後講下粉底霜。 買前見好多Youtuber嘅感想都係鬧粉底霜個粉撲好垃圾，當然我嘅好奇心係會去到盡， 果然！真係好難用，唔好用，唔知點用。 但轉左平時用開嘅粉撲上就無事，我諗佢嘅粉撲可能會令大家試唔到佢粉膏嘅美好之處。 佢嘅使用方法強調到要係粉蓋印下從而去激活個粉膏，雖然個動作好似好多餘，但真係有原因！ 試過有次趕時間無做好個手勢印薄佢，翻到公司照鏡塊面好似曬傷左粉紅色一撻撻！ 嚇到我即刻落妝再上過～ 時長個半月已經用完一盒，考慮緊再入手一盒!Good Good Good! 睇到字數長度都應該估到兩者之間我會選擇「月光小忌廉」～ 可能因為長期坐冷氣房，所以相比之下我會鍾意粉底霜多啲，質地厚身啲，相對地都保濕啲。 而如果用粉底液呢，妝前就要做足少少，或者當日預料會係室外多啲嘅話都會選擇用粉底液～ 兩者對比： 清爽：粉底液>粉底霜 遮瑕：粉底液<粉底霜 保濕：粉底液<粉底霜 持妝：粉底液=粉底霜（差不多） 易用：粉底液>粉底霜 希望幫到心大心細嘅你~

呢款粉底前排好熱門既時候已經買左，因為好好用都買左啲sample方便旅行/出街！ 自己本身係混合偏乾肌，所以用呢隻會用返啲偏保濕/潤既妝前乳/防曬。呢款本身十分之好推，但都好快成膜，佢既遮瑕力中上，都遮到毛孔同一半以上黑眼圈。 自己如果平時出街耐都會用佢，因為持妝幾好，同埋性價比好高。自己最多持妝7-8小時，都係卡係法令紋，但補返妝基本上睇唔出，小資族/學生買都唔心痛！ 呢個妝面係偏啞光既，但唔會顯老，自己就幾好中意呢個妝感，之後應該都會回購！

我係混合肌，T字位出油但面頰偏乾，試咗N10色號真係好驚喜！呢支粉底質地唧出嚟嗰陣有少少杰身，但一上面就變得好易推開，仲可以做到超薄貼效果。我鍾意佢速乾嘅特性，上妝後15秒就成膜，趕時間返工真係救星！ 遮瑕度對我嚟講夠用，暗瘡印上兩層就遮到七七八八，鼻翼毛孔都修飾得唔錯。最正係佢個妝效，霧面得嚟帶少少自然光澤，唔會好似戴咗面具咁假。試過帶妝12個鐘，T字位有少少出油但冇斑駁，面頢位都keep到貼服，氧化情況都算輕微，N10色號到夜晚都仲keep到個亮度。 整體嚟講，呢支粉底適合想要自然妝感又要有持久力嘅混合肌，性價比高，會回購！