好開心抽到試用。一拆開啲精華超多，揭開面膜幾得意，有兩層。佢兩層嗰啲位置既貼合度係幾好，不過面頰單層位就吾係好貼我面，就得面黎下巴吾貼。本身覺得保濕面膜正常敷完都係即時潤澤，呢隻敷完，塊臉係閃令令，先醒起拆開時好似望到句本產品不含珍珠，佢吾係咁寫，我都會覺得有珍珠咁，吾係平時潤澤既閃，都幾得意。到第二日訓醒都仲係有光澤感，都幾驚喜。不過連續使用左幾日，又冇覺得有保濕以外既效果。

感謝@cosme給予這次試用的機會😀✨ 第一次嘗試aio呢個品牌，今次試用嘅產品係「密集修護面膜」。 佢主打嘅係4合1膜布設計，集中修護4大重點壓力區：眼部、面部、法令紋、V臉帶。集保濕、退紅、舒緩、滋潤於一身！ 而且，佢係講明敏感肌或者醫美療程後都適用，是溫和高效的。 佢係有兩層膜布（其實係重點區再加多一層，而佢嘅產品介紹係話：第二層微米纖維層直徑僅約為髮絲1/28，令膜布更加柔軟親膚，緊貼面部輪廓。） 咁其實敷咗上面之後，的確係feel到好貼面，比起以往有用過一啲paper mask係隔一陣就要撳一撳佢（因為佢好唔貼面，係咁飛起🤣），同埋呢塊膜布質地都好柔軟，敷起上嚟係幾舒服。 仲有，佢係有勁多精華剩，所以可以用埋嚟搽頸+手手腳腳！ 但個人嚟講，暫時除咗敷完感受到好滋潤之外，仲未見到有其他成效。

首先好多謝@cosme 俾機會我試用依個產品，之前都有聽過呢個牌子，但就未有使用過，今次使用嘅體驗都非常之唔錯。🥰 Aio面膜可以一次過修復到四個重點部份：眼部、面部、法令紋、V面帶，而且質感非常之貼服，唔會突起左，可以令啲精華比面部迅速咁樣吸收。 可能因為自己皮膚本身比較乾，敷完面膜之後皮膚即刻水潤左，面部嘅泛紅部份都淡咗，而且我仲係敏感肌，但敷完個面膜都唔會敏感，所以我覺得幾好用，有機會嘅話會再使用。