日本ettusia眼線膠筆 自從用了眼線膠筆 眼線液筆都閒置了 對於新手真的很友好 艾杜紗這個眼線膠筆很順滑，軟硬度適中 畫的線條很流暢 不會斷斷續續的 易上色，完全不會暈染 我屬於油皮出汗也不會脫妝 03暖棕色/06黑灰色 都很日常實用

一直有用開依個牌子既眼線筆，易上色，質地細滑，顯色度高，重點係佢唔脱妝，化完一日都無脱妝，會再回購

依個品牌既眼線產品應該無人不識，hit咗好耐到，我自己亦多次回購。本身我鍾意某牌眼線液多啲，全日都唔會溶，但依幾年都興輕妝感，佢係屬於唔會點溶既眼線膠筆。 講真，畫內眼線感覺有點硬，畫時亦會卡顏料係眼睫毛度，畫完要用眉刷刷開及均勻顏料。 平時我只用啡／灰／黑畫上及內眼線，早排@cosme送咗支15號磚紅色咁既色號，諗住秋冬先用啦，諗諗下記得有人話用黎開眼角好靚，就試下，一試驚為天人，立即愛上。對眼即刻更深邃，效果又自然，宜家化妝唔畫內眼角唔得了，多謝@cosme帶我入坑😘 卸妝方面，我用開眼唇卸妝液／卸妝油，捽幾個圈就完全消失，屬易卸妝。 上圖素眼，下圖用5號灰色黑畫上及內眼線，眼線液筆畫眼尾，15號畫內眼角及下眼前段，5號點畫下眼線後半段，有時想要更自然妝感的話，我會用05號畫眼尾我係冷氣地方無出過汗，張相係已化妝6小時，暈開咗啲，但社交距離唔係太覺，所以還好啦。我太鍾意妝效，係搵到更防溶眼線膠筆之前，我都會繼續用 幼細既筆頭，要注意，轉出後不能收回現時用緊既15號色（左）同05號色（右）

呢支睫毛液獲獎無數， 用完就會完全明白點解。 就算在炎熱的夏天時使用都唔會甩妝， 佢嘅妝效係好自然， 每次喺夾完睫毛之後用 都會根根分明。

入ettusais坑嘅第一樣野就係呢枝mascara 刷頭好似把梳咁 輕鬆做到最hit嘅根根分明睫毛

【轉季睫毛救星】艾杜紗睫毛打底短評 轉季天氣唔穩定，對睫毛真係一大考驗！艾杜紗呢支睫毛打底確實係救星。 ✨ 優點： · 定型超掂都撐到成日唔塌，捲翹度Keep得好好。 · 自然纖長：有黑色纖維，單用已經有根根分明嘅偽素顏效果。 · 梳頭好用：輕易刷到眼頭眼尾細毛，解決轉季毛流亂嘅問題。 ⚠️ 注意： · 千祈唔好搽太厚，等佢乾透先好上睫毛液，否則有機會結少少塊。 總結： 對付轉季睫毛軟塌無力，呢支絕對係信心保證！必備！ #轉季#換季#

#QUALITYFIRST 維他命面膜 大家對呢個brand，呢一款面膜一定吾會陌生，無論係旅行行藥妝/百貨嘅時候，或者係香港行街嘅時候，都吾難見到佢嘅身影。 佢受歡迎嘅程度，令佢得到了cosme 2023年片裝面膜no.1！ 人氣及認受程度不容忽視！ 所以我都入手左一包，都放左有一段時間先打開黎用，因為想試左其他標榜自己收毛孔勁啲嘅面膜先。 呢款面膜說明話3分鐘就可以敷完，本身會以為佢好薄、無乜精華先會甘快敷完；但一打開包裝就會見到入面好多嘅精華，拎出黎面膜嘅厚度都有返甘上下，大細都算係大塊，我塊月亮面都可以cover得晒，但係吾知點解眼睛嘅位置有啲近🤣 上左面後，其實3分鐘真係吾太足夠比皮膚吸收晒啲精華，但既然佢甘寫我都無敷得太耐，好似around 6-8分鐘就搣返出嚟，再慢慢用面膜抹塊面，等精華吸收得好啲💕 大概都等左佢一個鐘（夏天係冷氣房，濕度58%左右），皮膚總算叫吸收晒精華，乾爽返可以去訓教💤 呢款面膜真係好吾錯，都會見到有即時提亮左，不過我諗提亮效果就未必last得到聽日。

Quality First 激光超效維他命面膜真係懶人護膚嘅福音！🥳 呢款面膜最大嘅賣點就係快速護膚， 只需要3分鐘就可以完成一次高效修護！ 對於忙碌嘅香港人嚟講真係非常方便， 唔需要等好長時間， 就能夠俾肌膚即時補充足夠養分 Vit C個包面膜成份中富含維他命成分， 帶有淡淡嘅檸檬香味， 用咗幾片之後，皮膚有即時嘅緊緻感，膚質變得更平滑 同時膚色亮白咗，即時呈現自然光澤感 非常適合想喺短時間內提升氣色嘅人🤣 值得留意嘅係，夏天敷完可能會覺得太笠， 所以都建議用完沖一沖🤣

Quality First 激光照效維他命面膜 ✨ 優點： · 維他命複合亮白：高濃度VC+煙酰胺，敷完即時去黃氣，熟齡肌暗沉位（嘴角、眼周）明顯提亮，效果拍得住日系開架明星品如LuLuLun紅色包裝 · 精華量克制：面膜紙厚度適中，精華液量剛好唔滴漏，香港夏天敷10分鐘夠爽快 · 性價比高：平均$15/片，平過同功能嘅Transino面膜，日日用唔肉痛 ⚠️ 缺點： · 面膜紙偏細：面型較闊或下巴位可能敷唔晒，剪裁輸畀Utena果凍面膜 · 保濕力普通：主要功能係亮白，熟齡偏乾肌敷後要即刻塗乳液鎖水 · 香精味明顯：對香料敏感者可能覺得人工，溫和度不及MINON面膜 🌞 香港夏天表現： 冷藏後敷有降溫效果，敷完膚色透亮不黏膩，後續防曬同底妝更貼服。但冷氣房過夜保濕力唔夠，要疊加保濕產品。 💡 同功能比較： vs Saborino早安面膜：Quality First亮白效果更突出，但Saborino更方便快捷 vs 肌美精深層美白面膜：兩者效果接近，但Quality First價格更貼地 總結：開架去黃氣急先鋒！適合香港夏天追求快速亮白、怕黏膩的熟齡混合肌，但極需要保濕或敏感肌人士要慎重考慮～💡 #QualityFirst面膜 #開架美白面膜 #夏日亮白

超級開心之我都唔記得自己中左會員禮！ 手上個枝咁岩用完準備去買， 翻屋企就收到cosme送左枝新嘅黎，perfect!!! 講翻使用心得先~ 平時買開03色深棕色， 有時需要長時間帶妝我就會先用依枝筆打底， 之後再用眼線液係上面畫多條眼線， 咁就24個鐘都夠打！(雖然唔會真係24個鐘😂) 佢筆頭好幼細，就算想畫尖尾都無問題。 不過要注意佢係扭幾多用幾多， 要小心唔好太貪心扭太長出嚟用， 因為佢好幼好易斷~

喺莎莎有買一送一優惠，60幾蚊有兩支，超級抵，見朋友都用，我就買來試吓，結果超級好用，筆芯幼細，順滑易上手，顏色百搭，唔會花，新手最佳選擇。

這款眼線很持久，而且是防水的，所以我很喜歡。40週年的這款顏色我特別喜歡，作為填充眼下十分自然。

之前喺@cosme 舖頭見到Chacott呢個牌子，知道佢係舞蹈員常用嘅化妝品牌。 買咗佢嘅底妝同埋定妝粉，試完之後真係返唔到轉頭。香港地咁濕咁熱，作為混合性偏油嘅朋友，夏天化妝一定要用定妝粉。 買咗兩盒，一隻係霧面（灰蓋）；另一隻係冰感（藍蓋），兩隻都有皮膚顏色。 藍蓋係比較新出嘅蜜粉，雖然佢有冰感，搽完上去之後皮膚會覺得冰冰涼涼，本身係好適合夏天用，但係我自己用完相比之下就覺得灰蓋霧面比較持久，冇咁容易溶妝；而且份量亦都大啲啲。 如果今個夏天未買定妝粉，大家記得試吓呢一隻日本牌子啦🥰

因為我本身有瀏海，所以一到夏天啲瀏海就會變咗Barcode咁樣一條條，我本身都有用開嗰啲乾髮噴霧，雖然佢宜家有出細支裝，但係一噴起上嚟都會引人注意😂😂同埋好大浸味，又有用過一啲碎粉直接拍落個頭度，但係始終佢個粉撲都唔係for頭髮，所以啲粉好易一嚿嚿，呢個蓬鬆粉就啱啱好，又冇咩香味，出粉份量又易控制，最重要係佢嗰個頭可以輕輕咁揩落啲瀏海都啱啱好，細細舊方便帶出街。

購自日本。 面膜的精華液添加了佐佐櫻花萃取、玻尿酸鈉、蘆薈葉萃取、小球藻萃取物，以及保濕成份m1-m4配合。整體精華液是保濕得來而不會油膩，很適合夏天用來為臉部舒緩降溫，保濕維持度也不錯，敷後大半天感覺皮膚有變得水嫩。 面膜紙是稍稍有一點厚度，帶坑紋有點彈性，可以很好地包伏臉部，非常貼服，敷時精華液也不會滴落。 使用上十分舒服的一款面膜。

價錢合理質素好有多種顏色可選擇而且一支有齊三種功能眉筆眉刷眉粉新手必選輕鬆描繪自然

Excel三合一持久造型眉筆，再加多兩種工具，一支就可以完成成個眉妝，帶出街唔使再拎多幾件工具。 眉筆筆芯幼細，描繪眉形好精準。顏色自然，容易同髮色同膚色融合，唔會太突兀。持久度方面都幾好，全日都唔容易甩色，夏天出汗都唔怕。

Excel三合一眉筆測評 今次同大家試吓呢支Excel三合一眉筆！佢唔單止係日本@cosme大賞嘅常客，仲係眉筆、眉粉、眉刷三合一設計，一支搞掂整個眉妝～話咁方便，啱晒我哋呢啲貪快又貪靚嘅香港女生！ ✏️ 筆芯質地： 筆芯軟硬度啱啱好，唔會太硬拮肉，又唔會太軟易斷。一畫上手，顏色出得好順，線條流暢自然，唔會一嚿嚿或者結色，新手都好容易掌控！ 🎨 三合一功能： 1. 眉筆端：勾勒眉形超順手，可以畫到好精細嘅毛流。 2. 眉粉端：填充顏色夠柔和，有霧感效果，唔會變「硬膠眉」。 3. 螺旋眉刷：暈染同整理毛流一流，令妝感更融合。 💦 防水度測試： 試過噴水同輕輕印汗，顏色都冇溶到或者脫色，持久度唔錯！平日出汗同落雨仔都頂得住，不過游水就未必啦～ ✅ 優點總結： · 一支多用途，出門帶一支就夠。 · 上色順、自然，適合日常淡妝或濃妝。 · 性價比高，耐用又唔貴。 ⚠️ 小提醒： 如果係油性皮膚，建議畫完之後輕輕撲層碎粉定妝，咁就更加持久啦！ 總括來講，Excel呢支三合眉筆真係懶人恩物，無論係趕時間返工定慢慢畫都咁適合！推薦俾鍾意自然眉妝嘅你～ 👏