今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特性，仲有六大護唇油，即使春夏季呢啲潮濕嘅天氣用佢都唔會覺得太黏笠。今次升級嘅唇膏既有修護唇膏嘅效果，又能夠提高唇部嘅血色感，包裝又相當美觀，完全係內外兼備嘅代表作。 #火熱新品

多謝@cosme 給予機會獲得兩支正裝聖羅蘭YSL BEAUTÉ唇膏試用！平時習慣去門市先試色、每次都一定經櫃姐介紹或試用過後滿意；先會買。 今次獲發LOVESHINE CANDY GLAZE N. 15奶茶裸色🧋& LOVESHINE 80 蕃茄楓葉 🍅🍁 兩隻色都好靚呀 LOVESHINE 80 蕃茄楓葉/晶透蕃茄試用 呢支茄紅色調，明星推薦色號；唔好以為佢好深色，事實上試上手都唔會太誇張！同樣地，我原生冇乜唇色、有瑕疵仲乾爭爭，所以我用左日用唇膏打底；呢支LOVESHINE 水光唇膏💄顯色度濃郁，持色度滿意 ，試用後先發覺原來唔使打底應該都ok， 滋潤度更加係唔使用潤唇膏打底直接上都carry到 如果我日常出街只為好氣色，我會隨意塗兩層LOVESHINE 水光唇膏就靚晒又夠滋潤 ； 若係精緻妝容我先打完個底再塗吧！ 呢支水光唇膏既產品介紹提及佢有植物（無花果）萃取成分，天然地滋潤唇部，用落安心，直程當潤唇膏日常使用都得。

感謝 @cosme 邀請試用 YSL LOVESHINE 全新情迷水光唇膏 一打開已經比外型設計吸引 拎上手好有份量質感😍靚到拎出黎補妝都會開心 唇膏質地方面，新一代版本質地比較潤身 但顏色夠實色!! 上嘴之後好有光澤感 中意佢夠顯色之餘又夠潤，就算唔搽潤唇膏都唔會卡住～ 而且唇膏質地有亮澤感 同時又唔會有好油好厚重嘅感覺 其他牌子有啲太厚重嘅唇膏會有漿住個嘴既感覺🫣呢支完全無出現呢個問題!!顏色又做到好持久 飲水食飯唔會甩太多～ 顏色方面，#122 Caramel swirl 呢支顏色飽和度都算高，可以遮蓋本身嘴唇既顏色，上嘴會有少少棕紅色既感覺，薄塗的話可以打造偽素顏嘅感覺，偏粉紅可愛風，厚塗的話棕色調會再明顯少少，適合化左妝既時候用~ 會比較有氣質同有歐美風既感覺 總括嚟講 #122 呢隻顏色唔同搽法可以打造唔同嘅感覺，風格都唔一樣，個人覺得Cp值好高😍一支唇膏可以應用於唔同場合 👍🏻 絕對抵玩 而且新版本嘅質地真心不錯 幾中意🫶🏻🫶🏻 未來經過專門店應該會留意吓仲有冇其他靚靚顏色🥰