Avene 好用推薦產品

kithy好用推薦：膚感好 夠潤 夠保濕 溫和 不刺激 皮膚敏感時用 可以快速退紅 敏感肌必備 但對我而言較適合冬天 夏天太笠 #冬季保養

Anna好用推薦：好溫和，吸收快，唔會立，存在感低，又唔會同後續保養品打交，淡淡嘅香味都幾appealing，用完成日嘅皮膚都好保濕。

agnessstang好用推薦：非常黏笠嘅防曬 上年5月歐遊嘅時候用 每日都係勁熱+暴曬 未出門搽完已經覺得好笠 出咗街開始出汗溝埋啲防曬越嚟越笠+焗住皮膚 而且好容易泛白 不推薦

格仔餅公主好用推薦：去親行山或者戶外運動包括sea surfing都會用佢，因為真係唔易甩好持久，又唔會曬黑或者紅噹噹，當然你都要乖乖keep住補搽先有最大功效！

黯然仙人掌好用推薦：之前見佢大特價買黎用下 聲稱可以卸妝洗面2合1,但洗完之後殘留感好勁 好似油淋淋咁，唔多鍾意 可能適合乾肌人士

格仔餅公主好用推薦：回購好多次同一直都無過敏既洗臉，佢無咩味同好易洗乾淨過乾淨水，4季都用得所以一直都有支看門口

Chloeincosme好用推薦：呢排用緊 Avene 防藍光防曬，貪佢同時防護紫外線同電子屏幕藍光，適合成日對電腦嘅我！質地輕盈唔黏膩，仲保持到品牌一貫溫和特色～ 🤍防護全面性：4.5/5 SPF50配合藍光防護，日常室內使用好安心！ 🤍質地與貼妝：4/5 乳液質地順滑易推，後續上粉底唔會搓泥，有輕微提亮效果但唔假白～ 🤍溫和度：5/5 一如既往Avene作風，敏感肌用完全零刺激，試過眼周使用都冇燻眼問題～ 總結： Avene呢支防藍光防曬係室內工作者同敏感肌嘅穩陣選擇！將防曬同藍光防護二合一，方便又安心～會回購！推薦俾經常使用電子設備又追求溫和防曬嘅你！

Anna好用推薦：細細支，好方便帶出街用，隨時隨地可以補充防曬。 色澤易推，好易吸收。特別適合忙碌的上班族，搽上一遍便搞掂。記得搽埋下巴唷~

葉子🍃好用推薦：質地比較硬既白色膏狀，用時我會手心搓開先搽面，每次少份量足夠，搽完肌膚有光澤，會感覺到有層膜包住皮膚，有品牌既香味、好持久，夜晚訓搽，第二日好滑溜，不過呢款乾肌用會好啲，有興趣試下佢其他面霜

維他他好用推薦：一隻好soft 好柔軟，好修護嘅修護霜 質地比較滋潤，乾性乾膚適合，但有性肌膚就唔太適合，佢仲有少少潤膚精油喺入邊，主要都係保濕，滋潤，保護嘅作用 用完覺得即時保濕咗，但係冇乜興趣回購，會想試其他修護 

bobobeauty好用推薦：使用環保包裝，如果買Filter就唔使重新買過外邊個玻璃，包裝都精緻，質地偏濃稠，但係只要上嘅份量控制得好，臉上面都唔會黐立立，淡淡嘅香味，但係油性肌膚就可能會易啲出油，已經出咗新嘅版本cream in gel，未有機會試，但應該會冇呢個咁厚重

nikiting好用推薦：敏感嗰陣用佢 舒緩到亦都冇痕 但真係有啲厚身 有啲太滋潤 都明白敏感嘅時候皮膚比較脆弱需要滋潤啲 令感覺塊面油 會唔太中意 但佢就可以係敏感嘅時候使用

lucrezianoin好用推薦：一到冬天, 我嘅鼻翼同埋cheek就會泛紅. 用咗呢個product之後感覺皮膚平衡咗好多, 唔會太滋潤好厚重但係好保濕! 唯一嘅缺點係呢個牌子嘅所有產品都有陣奇怪嘅味道@@" 同埋有啲貴, 所以只會喺有需要嘅時候用佢XD

Hazel好用推薦：因為今個冬天乾燥痕癢，面部皮膚容易泛紅，所以買咗佢，佢擠出嚟係有少少粉藍色，搽上面有少少泛白，需要一段時間吸收，冇乜保濕咁但有啲油膩感，而且防曬度數唔夠高，用完之後應該唔會再回購。

格仔餅公主好用推薦：質感幾重油分，怕油既人可能會用唔慣，但秋冬用可以防曬又帶少少滋潤感覺，所以可以接受。不過我會用卸妝啫喱卸感覺比用卸妝水乾淨d

Kura好用推薦：呢款防曬比較適合作為妝前打底，因為係有色防曬，搽上臉可以做到即時提亮嘅效果，防曬度數有50度適合日常搽，因為係有色防曬所以有輕微嘅遮瑕作用，容量超多一支都可以用到好耐，性價比都算高，同埋無香味無酒精適合敏感肌，但係我係乾性肌膚用完覺得有d偏油，但日日用夏天出街都冇變黑到，防水效果都ok就算出汗都唔會溶得好勁，整體黎講防曬效果都ok @cosme

維他他好用推薦：呢隻防曬係100%曠物成份，質都都順滑， 佢冇美白效果的 但佢防水好好 同埋冇香料成份 好天然，敏感肌的人非常適合！

Anna好用推薦：雖然用上面嘅時候feel到佢質地都好厚重，但係過左陣都可以吸收得七七八八，唔會太笠。佢嘅成分都幾溫和，敏感皮膚可以使用。我鍾意佢嘅原因係因為佢嘅防曬效果真系好出眾，又可以防水防汗，適合進行屋外活動嘅時候使用。但係佢唔可以日日用，唔係嘅話就會焗到生暗瘡。