Avene

再生修護霜

喱排皮膚敏感仲係未好番..😢 需要繼續用修復皮膚嘅產品 其中就包括咗喱一款 Avene Cicalfate Repairing Protective Cream 喱一款再生霜嘅主要賣點係修復力強、鎮靜效果明顯..非常適合乾燥、敏感、受損或爆痘時用 啱曬我現時急需穩定膚況嘅人😢 🧏🏻‍♀️🧏🏻‍♀️實用感受： 💡質地較厚但容易吸收 上臉唔會油膩..唔會焗住皮膚（唔阻塞毛孔） 夠保濕又鎮靜 皮膚敏感嘅位置泛紅程度有所減輕 💡成分溫和，含有礦物複合物（銅、鋅）同Avene活泉水，有助加快傷口癒合、抗菌及舒緩皮膚不適 💡可用於敏感肌、小朋友同大人 適合各種膚質，日常急救或打底都啱用 💡有助減少皮膚刺激 不含香料酒精，低致敏風險 💡高CP值，長期穩定膚況，非常百搭 🥸留意位！ 同抗敏系列唔一樣！ 佢係無止癢效果嘅！ 如果仲係發作期間.. 請用舒敏系列！ 總結嚟講： 好用、百搭、安全，有效急救同修護 質地比較厚，搽身體會比較適合💪🏻 如果處於皮膚修復期可以考慮入手

最近皮膚唔太穩定，有幾粒痘痘，同時長期處於冷氣房，皮膚會有乾燥嘅感覺。所以就試用呢款有修護功效嘅面霜，希望可以穩定返肌膚狀況。 佢嘅質地比較厚重，喺掌心稍為推開再印上面會比較好，搽完上面其實都算清爽、唔油膩，肌膚有滋潤感，舒緩到喺冷氣房感覺乾燥問題。而使用一至兩日後，面上嘅痘痘，有慢慢消散嘅跡象，穩定肌膚狀況效果理想。 呢款修護霜另一個賣點就係任何年齡人士都適用，基本有保濕、舒緩敏感痕癢功效，亦適用於曬傷後嘅特別護理，好適合長備一支喺屋企看門口用。

因為前排天氣唔穩定， 皮膚十分乾燥，勁易泛紅敏感，所以上佢個官網買咗黎用。佢質地厚身，要擠係掌心加熱按壓黎用，用咗皮膚冇咁痕，十分有舒緩作用。

雖然再生霜主打修復舒緩，但質地真的太厚重，我如何先用雙手搓開乳化，印到臉上都有厚重感，好似有一層東西糊在臉上。感覺太滋潤反而悶出小痘痘，對敏感紅腫肌膚不太有幫助。 有次做完激光脫毛療程後，大腿太乾出紅疹，有輕微刺痛，塗再生霜反而有助舒緩，用了大約一星期後，大腿的紅疹就完全退去。 產品比較適合乾至中性